ຄະນະ​ນັກຮຽນ​ຫວຽດນາມ ​ເຂົ້າ​ຮ່ວມ ການ​ເສັງ Olympic ຟີ​ຊິກສາດ  ສາກົນ​ປີ 2013 ພາບ: gdtd.vn

(vovworld) – ຕອນ​ເຊົ້າ​ວັນ​ທີ 16/7, ກ່າວ​ຄຳ​ເຫັນ​ນະ​ພິທີ​ຕ້ອນຮັບ​ຄະນະ​ນັກຮຽນ​ຫວຽດນາມ ​ເຂົ້າ​ຮ່ວມ ການ​ເສັງ Olympic ຟີ​ຊິກສາດ ສາກົນ​ປີ 2013 ​ຈັດ​ຂຶ້ນແຕ່​ວັນ​ທີ 5 – 15/7 ຢູ່​ປະ​ເທດ​ແດນ​ມາດ ກັບ​ຄືນ​ເມືອ​ປະ​ເທດ, ທ່ານ​ຮອງ​ລັດຖະມົນຕີ​ກະຊວງ​ສຶກສາ ​ແລະ ບຳລຸງ​ສ້າງ ຫວຽດນາມ ​ເຈີ​ນກວາງ​ກູ​ຍ (Trần Quang Quý) ​ໄດ້​ຍ້ອງ​ຍໍ​ຜົນງານ​ຂອງ​ບັນດາ​ນັກຮຽນ ​ແລະ ຄູ​ອາຈານ​ທີ່​ເຂົ້າ​ຮ່ວມ​ການ​ບຳລຸງ​ສ້າງ​ໃຫ້​ພວກ​ນ້ອງ​ນັກຮຽນ ​ແລະ ພ້ອມ​ທັງຫວັງ​ວ່າ:

        “ພວກ​ນ້ອງ​ນັກຮຽນ​ຍາດ​ໄດ້​ລາງວັນ​ໃນ​ການ​ສອບ​ເສັງ​ Olympic ຟີ​ຊິກສາດ ສາກົນ​ປີ 2013 ຈະ​ສືບ​ຕໍ່​ມານະ​ພະຍາຍາມ​ໃນ​ການ​ຮຳ່ຮຽນ​ເພື່ອ​ຍາດ​ຜົນງານ​ດີກ​ວ່າ​ອີກ. ​ໃນ​ອະນາຄົດ​, ພວກ​ນ້ອງ​ໄດ້​ຮັບ​ລາງວັນ​ຄື​ດັ່ງກ່າວ​ຈະ​ຖືກ​ສົ່ງ​ໄປ​ຮຽນ​ຢູ່​ຕ່າງປະ​ເທດ, ພາຍຫລັງ​ຮຽນ​ຈົບ​ພວກ​ນ້ອງ​ກັບ​ຄືນ​ເມືອ​ຮັບ​ໃຊ້​ປະ​ເທດ​ຊາດ.”

​    ​ໃນການ​ເສັງ Olympic ຟີ​ຊິກສາດ ສາກົນ​ປີ 2013, ຄະນະ​ນັກຮຽນ​ຫວຽດນາມ​ທັງ​ໝົດ 5 ຄົນ​ລ້ວນ​ແຕ່ຍາດ​ຫລຽນ, ​ໃນ​ນັ້ນ​ຫຼຽນຄຳ 2 ຫຼຽນ, ຫຼຽນ​ເງິ​ນ 1 ຫຼຽນ ​ແລະ ຫຼຽນທອງ 2 ຫຼຽນ.