.jpg)
ພິທີອາໄລຫາທະຫານ ຮ່ວາງຊາ
(ພາບ: baomoi.com)
(vovworld) - ຕອນຄຳ່ວັນທີ 27/4, ຢູ່ແຂວງ ກວາງຫງາຍ, ໄດ້ໄຂ “ພິທີອາໄລຫາທະຫານ ຮ່ວາງຊາ” ແລະ “ສັບປະດາວັດທະນະທຳ ທະເລ, ເກາະ ກວາງຫງາຍ ປີ 2013”. ພິທີອາໄລຫາທະຫານ ຮ່ວາງຊາ ແລະ ບັນດາພິທີທີ່ກ່ຽວຂ້ອງມີຄວາມໝາຍສຳຄັນໃນຊີວິດທາງດ້ານຈິດໃຈຂອງຊາວປະມົງແຄມທະເລ ແລະ ໝູ່ເກາະໃນຫຼາຍສະຕະວັດຜ່ານມາ. ສະແດງໃຫ້ເຫັນສິນທຳທີ່ວ່າ ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ, ອາໄລຫາ, ຕອບບຸນແທນຄຸນທະຫານຮ່ວາງຊາ ໃນເມື່ອກ່ອນ ທີ່ໄດ້ຮັບຄຳສັ່ງຈາກ ລາຊະວັງ ອອກສູ່ໝູ່ເກາະ ຮ່ວາງຊາ ເພື່ອປັກຫຼັກໝາຍ, ຕັ້ງແຜ່ນສີລາຢັ້ງຢືນອະທິປະໄຕຂອງ ຫວຽດນາມ ຢູ່ທະເລຕາເວັນອອກ. ກ່າວຄຳເຫັນທີ່ພິທີໄຂ, ທ່ານ ກາວຄວາ, ປະທານຄະນະກຳມະການປະຊາຊົນ ແຂວງ ກວາງຫງາຍ, ຊີ້ແຈງວ່າ:
“ຜ່ານບັນດາການເຄື່ອນໄຫວສິລະປະທີ່ວາດພາບພິທີອາໄລຫາທະຫານ, ປະຊາຊົນ ແຂວງ ກວາງຫງາຍ ແລະ ໃນທົ່ວປະເທດ, ແຂກສາກົນ ຈະຮັບຮູ້ໄດ້ບັນດາຄຸນຄ່າຂອງພິທີອາໄລຫາທະຫານ ຮ່ວາງຊາ ແລະ ມໍລະດົກວັດທະນະທຳທະເລ,ເກາະ ກວາງຫງາຍ. ອຳນາດການປົກຄອງ ແລະ ປະຊາຊົນ ແຂວງກວາງຫງາຍ ເວົ້າລວມ, ເມືອງເກາະ ຫຼີເຊີນ ເວົ້າສະເພາະ, ໃຫ້ຄຳໝັ້ນສັນຍາປົກປັກຮັກສາຄຸນຄ່າຂອງພິທີອາໄລຫາທະຫານ ຮ່ວາງຊາ ແລະ ມໍລະດົກວັດທະນະທຳທະເລ, ເກາະ ກວາງຫງາຍ ເພື່ອແນໃສ່ຮັບໃຊ້ພາລະກິດສ້າງສາ ແລະ ປົກປັກຮັກສາປະເທດ ຫວຽດນາມ.”
ໃນຂອບເຂດພິທີອາໄລຫາທະຫານ ຮ່ວາງຊາ, ຕອນເຊົ້າວັນທີ 28/4, ຢູ່ສາລາບ້ານ ອານຫວີງ, ຕາແສງ ອານຫວີງ, ເມືອງ ຫຼີເຊີນ, ແຂວງ ກວາງຫງາຍ ໄດ້ດຳເນີນພິທີມອບໃບຢັ້ງຢືນປູຊະນີຍະສະຖານລະດັບຊາດ ໃຫ້ສາລະບ້ານ ອານຫວີງ, ມອບໃບຢັ້ງຢືນພິທີອາໄລຫາທະຫານ ຮ່ວາງຊາ ແມ່ນມໍລະດົກວັດທະນະທຳບໍ່ມີຮູບຮ່າງຂອງຊາດ.