ພິທີປະດັບຫລຽນກາໃຫ້ສາສະດາຈານ Michel Guillou
ພາບ:TTXVN
|
(vovworld) - ວັນທີ 23/1, ສະຖານທູດຫວຽດນາມ ປະຈຳ ຝລ່ັງ ໄດ້ຈັດຕັ້ງພິທີປະດັບຫລຽນກາມິດຕະພາບໃຫ້ແກ່ສາສະດາຈານ Michel Guillou ຍ້ອນການປະກອບສ່ວນຢ່າງຕັ້ງຫນ້າຂອງທ່ານເຂົ້າໃນການສ້າງ ແລະ ພັດທະນາສາຍພົວພັນຮ່ວມມືໃນຂົງເຂດສຶກສາ ແລະ ບຳລຸງສ້າງລະຫວ່າງ ຫວຽດນາມ ກັບ ສ. ຝລັ່ງ ແລະ ບັນດາປະເທດສະມາຊິກປະຊາຄົມບັນດາປະເທດໃຊ້ພາສາຝລັ່ງ. ກ່າວຄຳເຫັນນະພິທີ, ທ່ານ ເຢືອງຈີຢູງ, ເອກອັກຄະລັດຖະທູດ ຫວຽດນາມ ປະຈຳ ຝລັ່ງ ໄດ້ຕີລາຄາສູງບັນດາການປະກອບສ່ວນຂອງສາສະດາຈານ Michel Guillou ທີ່ມີຕໍ່ພາລະກິດສຶກສາ ແລະ ພັດທະນາ ພາສາຝລັ່ງ ຢູ່ ຫວຽດນາມ. ທ່ານຢູງ ກ່າວວ່າ:
“ຕາງຫນ້າໃຫ້ລັດຖະບານ ຫວຽດນາມ, ຂ້າພະເຈົ້າສະແດງຄວາມຂອບອົກຂອບໃຈຢ່າງຈິງໃຈ ແລະ ຄວາມຮູ້ບຸນຄຸນຢ່າງເລິກເຊິ່ງຕໍ່ການປະກອບສ່ວນ ຊຶ່ງທ່ານໄດ້ສະຫງວນໃຫ້ແກ່ ຫວຽດນາມ ກໍຄືປະຊາຄົມບັນດາປະເທດໃຊ້ພາສາ ຝລັ່ງ. ອົງການນຳໃຊ້ພາສາຝລັ່ງ ສາກົນ ເຕີບໂຕຄືວັນນີ້ ກໍຍ້ອນມີການປະກອບສ່ວນຢ່າງສຸດຈິດສຸດໃຈຂອງທ່ານ.”