ພິທີມອບ - ຮັບອຸປະກອນການແພດຂອງພັກ, ລັດ, ກະຊວງປ້ອງກັນປະເທດ ແລະ ປະຊາຊົນຫວຽດນາມ ໃຫ້ປະຊາຊົນ ກູບາ
(VOVWORLD) - ຕອນເຊົ້າວັນທີ 16 ກໍລະກົດ, ຢູ່ຮ່າໂນ້ຍ ໄດ້ດໍາເນີນພິທີມອບ - ຮັບ ອຸປະກອນການແພດຂອງພັກ, ລັດ, ກະຊວງປ້ອງກັນປະເທດ ແລະ ປະຊາຊົນຫວຽດນາມ ມອບໃຫ້ປະຊາຊົນ ກູບາ ເຊິ່ງລວມມີ ຊຸດ Kit ວິໄຈເຊື້ອ, ຊຸດເກັບຕົວຢ່າງ, ຜ້າອັດປາກ - ອັດດັງ, ຊຸດປ້ອງກັນພະຍາດ... ດ້ວຍປະລິມານທັງໝົດ 3 ໂຕນ.
ພິທີມອບ - ຮັບອຸປະກອນການແພດຂອງພັກ, ລັດ, ກະຊວງປ້ອງກັນປະເທດ ແລະ ປະຊາຊົນຫວຽດນາມ ໃຫ້ປະຊາຊົນ ກູບາ (ພາບ: hanoimoi.com.vn)
|
ທີ່ພິທີ, ທ່ານພົນໂທ ຫງວຽນຈີ໊ວິ້ງ ຮອງລັດຖະມົນຕີກະຊວງປ້ອງກັນປະເທດ ຢັ້ງຢືນວ່າ ການຮ່ວມມືສາກົນໃນການປ້ອງກັນ, ຕ້ານໂລກລະບາດໂຄວິດ - 19 ແມ່ນປັດໄຈສໍາຄັນ. ທ່ານເນັ້ນໜັກວ່າ:
“ໃນສະພາບການປັດຈຸບັນ, ເລື່ອງສອງປະເທດຊ່ວຍເຫຼືອກັນແມ່ນຫຼັກຖານພະຍານທີ່ມີຊີວິດຊີວາຂອງນໍ້າຈິດໃຈຖານສະຫາຍ, ອ້າຍນ້ອງ, ການແບ່ງປັນ, ຄວາມສາມັກຄີກັນເປັນຈິດໜຶ່ງໃຈດຽວ ແລະ ມີຄວາມໝາຍສໍາຄັນຫຼາຍໃນການພົວພັນສອງຝ່າຍ, ຜ່ານນັ້ນ ຊ່ວຍກັນຜ່ານຜ່າໂລກລະບາດ, ທັງສ້າງພື້ນຖານເພື່ອໃຫ້ສອງຝ່າຍຊຸກຍູ້ການຮ່ວມມືດ້ານສາທາລະນະສຸກໃນຍາວນານ. ກ່ອນອື່ນໝົດ, ພວກຂ້າພະເຈົ້າໃຫ້ຄໍາໝັ້ນສັນຍາວ່າ ຈະສ້າງທຸກເງື່ອນໄຂສະດວກເພື່ອໃຫ້ບັນດານັກຊ່ຽວຊານດ້ານສາທາລະນະສຸກຂອງ ກູບາ ໄດ້ເຮັດວຽກໃນສະພາບແວດລ້ອມທີ່ດີທີ່ສຸດ ເພື່ອໃຫ້ສອງຝ່າຍຜັນຂະຫຍາຍບັນດາເນື້ອໃນການຮ່ວມມືທີ່ໄດ້ເປັນເອກະພາບກັນໂດຍໄວ.”
ກ່າວຄໍາເຫັນນະທີ່ນີ້, ທ່ານເອກອັກຄະລັດຖະທູດ ກູບາ ປະຈໍາ ຫວຽດນາມ Lianys Torres Rivera ໄດ້ສະແດງຄວາມຂອບອົກຂອບໃຈຕໍ່ພັກ, ລັດ ແລະ ປະຊາຊົນ ຫວຽດນາມ ທີ່ໄດ້ມອບຂອງຂວັນດັ່ງກ່າວໃຫ້ແກ່ພັກ, ລັດ ແລະ ປະຊາຊົນ ກູບາ. ພ້ອມທັງໃຫ້ຮູ້ວ່າ ກູບາຈະຜັນຂະຫຍາຍການນໍາໃຊ້ບັນດາອຸປະກອນດັ່ງກ່າວເຂົ້າໃນວຽກງານປ້ອງກັນ, ຕ້ານໂລກລະບາດໃນທັນທີ.