ພິທີມອບລາງວັນແມ່ຍິງ ຫວຽດນາມ (ພາບ: VOV)

ຕອນຄ່ຳວັນທີ 27 ພະຈິກ, ຢູ່ຮ່າໂນ້ຍ, ສະຫະພັນ ແມ່ຍິງ ຫວຽດນາມ ໄດ້ຈັດພິທີມອບລາງວັນແມ່ຍິງ ຫວຽດນາມ ປີ 2022 ແລະ 2023. ນີ້ແມ່ນລາງວັນປະຈຳປີ, ເພື່ອແນໃສ່ຢັ້ງຢືນການອຸທິດສ່ວນ, ຄວາມເກັ່ງກ້າສາມາດ, ຫົວຄິດປະດິດສ້າງ ຂອງແມ່ຍິງ ຫວຽດນາມ ໃນທຸກຂົງເຂດ. ມີ 7 ໝູ່ຄະນະ ແລະ ສວ່ນບຸກຄົນດີເດັ່ນ 19 ຄົນ ໃນທຸກຂົງເຂດໄດ້ຮັບລາງວັນດັ່ງກ່າວ. ນີ້ແມ່ນບັນດາແມ່ຍິງ ຫວຽດນາມ ດີເດັ່ນໃນໄລຍະໃໝ່, ຍາມໃດກໍ່ເມົາມົວ, ມີຫົວຄິດປະດິດສ້າງ, ມີການດຳລົງຊີວິດທີ່ມີຄວາມຮັບຜິດຊອບຕໍ່ຄອບຄົວ, ສັງຄົມ ແລະ ປະຊາຄົມ. ທ່ານນາງ ບຸຍທິອານ, ປະທານສະມາຄົມປັນຍາຊົນຍິງ ຮ່າໂນ້ຍ ໂດຍແມ່ນໜຶ່ງໃນສ່ວນບຸກຄົນດີເດັ່ນ 19 ຄົນ ທີ່ໄດ້ຮັບລາງວັນ ແບ່ງປັນວ່າ:

ໃນຂົງເຂດຄວາມສະເໝີພາບລະຫວ່າງຍິງຊາຍ, ຂ້າພະເຈົ້າຮູ້ສຶກພາກພູມໃຈ ທີ່ໄດ້ມີການປະກອບສ່ວນ, ພິເສດແມ່ນໃນວຽກງານຂອງສະພາແຫ່ງຊາດ, ສະພາປະຊາຊົນ. ຂ້າພະເຈົ້າໄດ້ເຂົ້າຮ່ວມການແກ້ໄຂ ລັດຖະນະໂຍບາຍຈຳນວນໜຶ່ງ ທີ່ກ່ຽວຂ້ອງເຖິງແມ່ຍິງ. ຂ້າພະເຈົ້າຢາກສືບຕໍ່ອຸທິດສ່ວນປະກອບສ່ວນເຂົ້າໃນຂົງເຂດຄວາມສະເໝີພາບລະຫວ່າງຍິງຊາຍ, ເປັນຕົ້ນແມ່ນໃນເຂດຫ່າງໄກສອກຫຼີກ, ເອື້ອຍນ້ອງແມ່ຍິງ ບັນດາເຜົ່າສ່ວນໜ້ອຍ.

ໂດຍເຊີດຊູໝູ່ຄະນະ, ສ່ວນບຸກຄົນທີ່ໄດ້ຮັບລາງວັນປີ 2022 ແລະ ປີ 2023, ທ່ານ ເຈິ່ນຕວັນແອັງ ຫົວໜ້າຄະນະເສດຖະກິດສູນກາງ ຢັ້ງຢືນວ່າ ພັກ, ລັດ ຍາມໃດກໍ່ເອົາໃຈໃສ່, ສ້າງເງື່ອນໄຂໃຫ້ການພັດທະນາຂອງແມ່ຍິງ, ຮັບຮອງເອົາບັນດາແຜນນະໂຍບາຍ, ນະໂຍບາຍກ່ຽວກັບແມ່ຍິງ, ຄວາມສະເໝີພາບລະຫວ່າງຍິງຊາຍ ເພື່ອແນໃສ່ເສີມຂະຫຍາຍຄວາມສາມາດ, ພູມປັນຍາ ແລະ ບົດບາດຂອງແມ່ຍິງ.