ພິທີສູດຊັກອະນິຈາບັນດາວິລະຊົນທີ່
ເສຍສະຫຼະຊີວິດເພື່ອຊາດຢູ່ວັດເຟິດຕິກ
(ພາບ: QuocDat/TTXVN)
(vovworld) - ວັນທີ 18/4, ຢູ່ວັດເຟິດຕິກຈຸກເລິມບານຢົກ, ເມືອງ ຈູ່ງແຄ໋ງ, ແຂວງ ກາວບັ່ງ, ໄດ້ດຳເນີນພິທີສູດຊັກອະນິຈາເພື່ອສົ່ງບຸນກຸສົນໄປຫາດວງວິນຍານບັນດາວິລະຊົນທີ່ໄດ້ເສຍສະຫຼະຊີວິດເພື່ອພາລະກິດຕໍ່ສູ້ປົດປ່ອຍຊາດ, ປົກປັກຮັກສາປະເທດຊາດ. ກ່າວຄວາມເຫັນນະພິທີ, ພະມະຫາອາຈານ ທິກຢາກວາງ, ຮອງປະທານສະພາບໍລິຫານງານສູນກາງ ສະມາຄົມພຸດທະສາສະໜາ ຫວຽດນາມ, ຫົວໜ້າຄະນະບໍລິຫານງານ ສະມາຄົມພຸດທະສາສະໜາແຂວງ ກາວບັ່ງ, ຢືນຢັນວ່າ: ຜ່ານພິທີ, ບັນດາພະສົງສາມະເນນ, ພຸດສະສາສະນິກະຊົນ ຂໍພາວະນາໃຫ້ດວງວິນຍານຂອງບັນດານັກຮົບທີ່ໄດ້ເສຍສະຫຼະຊີວິດເພື່ອພາລະກິດປົດປ່ອຍຊາດ, ປົກປັກຮັກສາປະເທດຊາດ ຍືນຍົງຄົງຕົວພ້ອມກັບປະເທດຊາດ ແລະ ໃນປະຫວັດສາດອັນສະຫງ່າລາສີຂອງຊາດຫວຽດນາມ. ໃນພິທີ, ບັນດາຜູ້ເຂົ້າຮ່ວມໄດ້ສະຫງວນເວລາ 1 ນາທີ ເພື່ອອາໄລຫາປະທານ ໂຮ່ຈີມິນ ແລະ ບັນດາວິລະຊົນທີ່ໄດ້ເສຍສະຫຼະຊີວິດເພື່ອພາລະກິດຕໍ່ສູ້ປົດປ່ອຍຊາດ, ທັງພາວະນາຂໍໃຫ້ປະເທດຊາດມີສັນຕິພາບ, ປະຊາຊົນໄດ້ດຳລົງຊີວິດໃນຄວາມສະຫງົບສຸກ.
ເນື່ອງໃນໂອກາດນີ້, ສະມາຄົມພຸດທະສາສະໜາ ຫວຽດນາມ ໄດ້ມອບຂອງຂວັນ 2.500 ພູດໃຫ້ເມືອງ ຈຸ່ງແຄ໋ງ; ສະມາຄົມພຸດທະສາສະໜາ ຫວຽດນາມ ແລະ ທະນາຄານ NCB ໄດ້ມອບໃຫ້ຕາແສງ ເລເລີ້ຍ, ເມືອງແທກອານ, ໂຮງຮຽນອະນຸບານ ທີ່ມີມູນຄ່າ 2,5 ຕື້ດົ່ງ, ເຊິ່ງເລີ່ມລົງມືກໍ່ສ້າງໃນຕອນບ່າຍວັນທີ 18/4.