ພິທີສະເຫຼີມສະຫຼອງ 81 ປີແຫ່ງວັນສ້າງຕັ້ງ ຄະນະຊາວໜຸ່ມກອມ ມູນິດໂຮ່ຈີມິນ
ທ່ານນາງຮອງປະທານປະເທດ Nguyen Thi Doan ມອບລາງວັນ 26/3 ໃຫ້ແກ່ເລຂາຊາວໜຸ່ມດີເດັ່ນ
(vovworld) - ພິທີສະເຫຼີມສະຫຼອງ 81 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດໂຮ່ຈີມິນ ແລະ ມອບລາງວັນ 26/3 ໃຫ້ແກ່ເລຂາຊາວໜຸ່ມຂັ້ນຮາກຖານທີ່ດີເດັ່ນ 81 ຄົນໃນທົ່ວປະເທດ ໄດ້ດຳເນີນໃນຕອນເຊົ້າວັນທີ 26/3 ຢູ່ແຂວງ ຕວຽນກວາງ. ກ່າວຄຳເຫັນຢູ່ທີ່ນີ້, ທ່ານນາງຮອງປະທານປະເທດ Nguyen Thi Doan ເນັ້ນໜັກວ່າ: ພັກ, ລັດ ແລະ ປະຊາຊົນຍາມໃດກໍຕີລາຄາສູງບົດບາດຂອງອົງການຊາວໜຸ່ມ ແລະ ໄວໜຸ່ມຫວຽດນາມຜ່ານໄລຍະແຫ່ງປະຕິວັດ, ຕະຫຼອດໄລຍະຕໍ່ສູ້ຍາດເອົາເອກະລາດ, ທ້ອນໂຮມປະເທດຊາດເປັນເອກະພາບຮອດພາລະກຳປະຈັນບານໃນກິດຈະການຫັນປະເທດເປັນປະເທດອຸດສາຫະກຳ - ທັນສະໄໝ. ທ່ານນາງຮອງປະທານປະເທດ Nguyen Thi Doan ເວົ້າວ່າ:
“ຄະນະຊາວໜຸ່ມກອມມູນິດໂຮ່ຈີມິນຄວນສາມັກຄີ, ເປັນຈິດໜຶ່ງໃຈດຽວພາຍໃຕ້ຄັນທຸງເປັນກຽດສະຫງ່າຂອງພັກ, ສືບຕໍ່ສູ້ຊົນໃຫ້ແກ່ພາລະກິດປະຕິວັດທີ່ສະຫງ່າລາສີຂອງປະເທດຊາດຜ່ານຂະບວນການແຂ່ງຂັນຮັກຊາດຄັ້ງຕ່າງໆ, ປະຈັນບານໃນທຸກໆຂົງເຂດເພື່ອແນໃສ່ປະຕິບັດສຳເລັດໜ້າທີ່ວາງອອກ. ພວກເຮົາຄວນຍົກສູງກຳລັງຄວາມສາມາດຮອບດ້ານຂອງຊາວໜຸ່ມ ຕອບສະໜອງຄວາມຮຽກຮ້ອງຕ້ອງການແຫຼ່ງຊັບພະຍາກອນມະນູດເຕັກໂນໂລຢີສູງໃນໄລຍະເຊື່ອມໂຍງເຂົ້າກັບສາກົນ”
ເນື່ອງໃນໂອກາດນີ້, ສູນກາງຄະນະຊາວໜູ່ມກອມມູນິດ ໂຮ່ຈີມິນ ໄດ້ລົງນາມໃນໂຄງການສົມທົບກັບສູນກາງສະມາຄົມອະດີດຊາວໜຸ່ມຕະລຸມບອນຫວຽດນາມ ເພື່ອແນໃສ່ເພີ່ມທະວີບັນດາການເຄື່ອນໄຫວເປັນມູນເຊື້ອປະຫວັດສາດ, ເສີມຂະຫຍາຍນ້ຳໃຈປະຈັນບານ, ສະໝັກໃຈຂອງຊາວໜຸ່ມ - ເຍົາວະຊົນໃນການສ້າງສາ ແລະ ປົກປັກຮັກສາປະເທດຊາດ.