(VOVWORLD) - ຕອນຄ່ຳວັນທີ 09 ທັນວາ, ທີ່ນະຄອນ Pleiku, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ສົມທົບກັບສະຫະສະມາຄົມ ກາເຟກາກາວ ຫວຽດນາມ ແລະ ຄະນະກຳມະການປະຊາຊົນແຂວງ ຢາລາຍ ຈັດຕັ້ງພິທີສະເຫຼີມສະຫຼອງວັນ ກາເຟ ຫວຽດນາມ ຄັ້ງທີ 3, ປີ 2019 ດ້ວຍຫົວຂໍ້ວ່າ “ວັດທະນະທຳດື່ມກາເຟ”.
 ພິທີສະເຫຼີມສະຫຼອງວັນ ກາເຟ ຫວຽດນາມ ຄັ້ງທີ 3 (ພາບ: TTXVN) |
ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ ຫງວຽນຮ່ວາງຮຽບ, ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເນັ້ນໜັກວ່າ:
“ພິທີສະເຫຼີມສະຫຼອງວັນ ກາເຟ ຫວຽດນາມ ປີ 2019 ຄັ້ງທີ 3 ແມ່ນກາລະໂອກາດທີ່ດີ ເພື່ອໃຫ້ຂະແໜງ ກາເຟ ຫວຽດນາມ ເວົ້າລວມ ແລະ ແຂວງ ຢາລາຍ ເວົ້າສະເພາະ ໄດ້ແນະນຳ ແລະ ໂຄສະນາຜະລິດຕະພັນ ກາເຟ ເຖິງເພື່ອນມິດສາກົນ ແລະ ພາຍໃນປະເທດຂ້າພະເຈົ້າ. ຕີລາຄາສູງບັນດາທ້ອງຖິ່ນ, ວິສາຫະກິດ, ອົງການຈັດຕັ້ງສາກົນທີ່ໄດ້ເຂົ້າຮ່ວມ, ຊອກຮູ້ໂອກາດລົງທຶນ, ຮ່ວມສຳພັນການຜະລິດ, ປຸງແຕ່ງຜະລິດຕະພັນ ກາເຟ ກັບຜູ້ຜະລິດຕາມລະບົບມູນຄ່າ. ”
ຮອດທ້າຍປີ 2018, ປະລິມານສົ່ງອອກ ກາເຟ ຫວຽດນາມ ບັນລຸ 1,88 ລ້ານໂຕນ, ວົງເງິນການຄ້າສົ່ງອອກບັນລຸກ່ວາ 3,5 ຕື້ USD. ປັດຈຸບັນ ຫວຽດນາມ ບືນຕົວຂຶ້ນຢືນອັນດັບທີ 2 ກ່ຽວກັບປະລິມານ ກາເຟ ທີ່ສະໜອງໃຫ້ຕະຫລາດໂລກ.