ທ່ານນາຍົກລັດຖະມົນຕີ Nguyen Tan Dung ມອບຫລຽນໄຊໂຮ່ຈິມີນໃຫ້ແກ່ກະຊວງຊັບພະຍາກອນ ແລະ ສິ່ງແວດລ້ອມ |
(vovworld) - ວັນທີ 5/8, ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມໄດ້ຈັດຕັ້ງພິທີສະເຫລີມສະຫລອງ 10 ປີ ແຫ່ງວັນສ້າງຕັ້ງ ແລະ ຮັບຫລຽນໄຊ ໂຮ່ຈິມີນ. ເຂົ້າຮ່ວມມີທ່ານນາຍົກລັດຖະມົນຕີ Nguyen Tan Dung, ທ່ານ Tran Duc Luong ອະດີດປະທານປະເທດ, ທ່ານ Hoang Trung Hai ຮອງນາຍົກລັດຖະມົນຕີ, ທ່ານ Uong Chu Luu ຮອງປະທານສະພາແຫ່ງຊາດ. ກ່າວຄຳເຫັນນະພິທີ, ທ່ານນາຍົກລັດຖະມົນຕີ Nguyen Tan Dung ໄດ້ສະເຫນີຂະແຫນງຊັບພະຍາກອນ ແລະ ສິ່ງແວດລ້ອມຈົ່ງສຸມໃສ່ຜັນຂະຫຍາຍປະຕິບັດບັນດາແຜນນະໂຍບາຍ, ນະໂຍບາຍກ່ຽວກັບການພັດທະນາເສດຖະກິດສັງຄົມຂອງພັກ ແລະ ລັດ ເປັນຢ່າງດີ; ຍູ້ແຮງການຫັນເຕັກໂນໂລຊີເປັນທັນສະໄຫມ, ຍົກສູງກຳລັງຄວາມສາມາດພະຍາກອນອຸຕຸນິຍົມອຸທົກກະສາດ, ຕິດຕາມການປ່ຽນແປງຂອງດິນຟ້າອາກາດ; ເພີ່ມທະວີການປັບປຸງ ແລະ ຍົກສູງຄຸນນະພາບສິ່ງແວດລ້ອມ, ຮັບປະກັນການພັດທະນາແບບຍືນຍົງ. ເນ່ືອງໃນໂອກາດນີ້, ທ່ານນາຍົກລັດຖະມົນຕີ Nguyen Tan Dung ໄດ້ມອບຫລຽນໄຊໂຮ່ຈິມີນໃຫ້ແກ່ກະຊວງຊັບພະຍາກອນ ແລະ ສິ່ງແວດລ້ອມ ຊື່ງແມ່ນລາງວັນອັນສູງສົ່ງຂອງພັກ, ລັດ ໂດຍຈົດຈຳ ແລະ ເຊີດຊູບັນດາຜົນງານດີເດັ່ນ ແລະ ການປະກອບສ່ວນອັນໃຫຍ່ຫລວງຂອງຂະແຫນງຊັບພະຍາກອນ ແລະ ສິ່ງແວດລ້ອມທີ່ມີຕໍ່ພາລະກິດສ້າງສາ ແລະ ປົກປັກຮັກສາປະເທດຊາດ.