ເຂົ້າຮ່ວມພິທີ ມີທ່ານເລຂາທິການໃຫຍ່ ຫງວຽນຟູຈ້ອງ, ທ່ານປະທານປະເທດ ເຈີນດ້າຍກວາງ, ທ່ານນາຍົກລັດຖະມົນຕີ ຫງວຽນຊວນຟຸກ, ທ່ານນາງປະທານສະພາແຫ່ງຊາດ ຫງວຽນທິກີມເງິນ ພ້ອມກັບການນຳພັກ, ລັດ ໃນບັນດາໄລຍະ.

ກ່າວຄຳເຫັນນະພິທີ, ທ່ານເລຂາທິການໃຫຍ່ຫງວຽນຟູຈ້ອງເນັ້ນຫນັກວ່າ: ການສະເຫລີມສະຫລອງ 70 ປີແຫ່ງວັນທ່ານປະທານໂຮ່ຈິມີນ ຮຽກຮ້ອງການແຂ່ງຂັນຮັກຊາດ ແມ່ນໂອກາດເພື່ອສະແດງຄວາມເຄົາລົບນັບຖື ແລະ ຄວາມຮູ້ບຸນຄຸນສຳລັບທ່ານປະທານໂຮ່ຈິມີນຜູ້ຍິ່ງໃຫຍ່. ທ່ານປະທານໂຮ່ຈິມີນ ບໍ່ພຽງແຕ່ແມ່ນຜູ້ລິເລີ່ມ, ປຸກລະດົມບັນດາຂະບວນການແຂ່ງຂັນຮັກຊາດເທົ່ານັ້ນ ຫາກເພິ່ນແມ່ນແບບຢ່າງ, ແມ່ນແຫລ່ງລະດົມກຳລັງໃຈອັນໃຫຍ່ຫລວງໃຫ້ບັນດາຂະບວນການຮັກຊາດ. ທ່ານເລຂາທິການໃຫຍ່ ເຊື່ອໝັ້ນວ່າ ບົນພື້ນຖານໝູນໃຊ້ບັນດາບົດຮຽນກ່ຽວກັບການແຂ່ງຂັນຮັກຊາດໃນ 70 ປີຜ່ານມາ, ຂະບວນການແຂ່ງຂັນຮັກຊາດ ແລະ ວຽກງານຍ້ອງຍໍໃຫ້ລາງວັນໃນໄລຍະຈະມາເຖິງ ຈະມີບັນດາການຫັນປ່ຽນຢ່າງແທ້ຈິງ ແລະ ປ່ຽນແປງຢ່າງແຮງກວ່າອີກ.

ເມື່ອອ່ານສູນທອນພົດນະພິທີ, ທ່ານນາງຮອງປະທານປະເທດຫວຽດນາມ ດັ້ງທິງອກທິ້ງ ເນັ້ນຫນັກວ່າ: ວັນທີ 11 ມິຖຸນາ ປີ 1948 ເນື່ອງໃນໂອກາດ 1000 ວັນທີ່ພາກໃຕ້ທຳການຕໍ່ຕ້ານ, ທ່ານປະທານໂຮ່ຈິມີນ ໄດ້ຮຽກຮ້ອງການແຂ່ງຂັນຮັກຊາດ ດ້ວຍຈຸດປະສົງ ແຂ່ງຂັນກັນເພື່ອຕ້ານໄພອຶດຫິວ, ກືກຫນັງສື, ສັດຕູຜູ້ຮຸກຮານ” . ວິທີເຮັດແມ່ນອີງໃສ່ກຳລັງຂອງປະຊາຊົນ, ຈິດໃຈຂອງປະຊາຊົນເພື່ອສ້າງຄວາມຜາສຸກໃຫ້ປະຊາຊົນ. ຄຳຮຽກຮ້ອງແຂ່ງຂັນຮັກຊາດ ໄດ້ມີຄຸນປະໂຫຍດດຶງດູດ, ລະດົມກຳລັງໃຈໃນທົ່ວພັກ, ທົ່ວປວງຊົນ, ທົ່ວກອງທັບ ເສີມຂະຫຍາຍມູນເຊື້ອຮັກຊາດ, ເຈດຈຳນົງສ້າງຄວາມເຂັ້ມແຂງດ້ວຍຕົນເອງ, ຜ່ານຜ່າທຸກຄວາມຫຍຸ້ງຍາກລຳບາກ, ການເສຍສະຫລະ ພ້ອມແລ້ວອຸທິດສ່ວນໃຫ້ພາລະກິດຕໍ່ສູ້ປົດປ່ອຍຊາດ.

ໃນຕອນເຊົ້າວັນດຽວກັນ, ຄະນະຜູ້ແທນແບບຢ່າງດີເດັ່ນທີ່ເຂົ້າຮ່ວມພິທີສະເຫລີມສະຫລອງ 70 ປີແຫ່ງວັນທ່ານປະທານໂຮ່ຈິມີນ ຮຽກຮ້ອງການແຂ່ງຂັນຮັກຊາດ ນຳໂດຍທ່ານນາຍົກລັດຖະມົນຕີຫງວຽນຊວນຟຸກ ໄດ້ໄປວາງພວງມາລາ ແລະ ເຂົ້າຢ້ຽມສຸສານປະທານໂຮ່ຈິມີນ.

ກ່ອນຫນ້ານັ້ນ ຕອນຄ່ຳວັນທີ 2 ມິຖຸນາ, ກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຈັດຕັ້ງລາຍການພົບປະແລກປ່ຽນກັບວິລະຊົນກຳລັງປະກອບອາວຸດປະຊາຊົນ, ວິລະຊົນແຮງງານ, ແບບຢ່າງດີເດັ່ນໃນກອງທັບ, ຜູ້ມີຜົນງານດີເດັ່ນໃນການອົບຮົມ ກຽມພ້ອມສູ້ຮົບ, ວຽກງານຮ່ຳຮຽນ, ອອກແຮງງານ, ປະກອບສ່ວນເຂົ້າໃນພາລະກິດກໍ່ສ້າງກອງທັບ, ປັບປຸງການປ້ອງກັນຊາດ, ສ້າງສາ ແລະ ປົກປັກຮັກສາປະເທດຊາດ.