( vovworld ) –   ​ໂດຍ​ສືບ​ຕໍ່​ບັນດາ​ການ​ເຄື່ອນ​ໄຫວ​ໃນ​ງານ​ບຸນ Festival Hue 2012, ຕອນ​ຄ່ຳວັນ​ທີ 8/4, ທີ່​​ເວທີ​ບູຊາ Nam Giao ນະຄອນ Hue ​ໄດ້​ດຳ​ເນີນ​ພິທີ​ໄຫ້​ວບູຊາ Nam Giao ຊື່​ງ​ແມ່ນ​ໜື່ງ​ໃນ​ບັນດາ​ການ​ເຄື່ອນ​ໄຫວ​ສຳຄັນ​ທີ່​ງານ​ບຸນ Festival Hue 2012 ຈັດ​ຂຶ້ນ​ແຕ່​ວັນ​ທີ 7-15/4.

ພິທີ​ໄຫ້​ວບູຊາ Nam Giao

(ພາບ: ktdt.com.vn)

    ພິທີ​ໄຫ້​ວບູຊາ Nam Giao ​ເຄີຍ​ຈັດ​ຂຶ້ນ​ໃນ​ທ້າຍ​ເດືອນ 2 ​ແລະ ຕົ້ນ​ເດືອນ 3 ຂອງ​ແຕ່ລະ​ປີ ​ໄລ່​ຕາມ​ຈັນທະ​ປະຕິທິນ​ຫວຽດນາມ. ນີ້​ແມ່ນ​ພິທີ​ສຳຄັນ​ທີ່​ສຸດ ​ໃນ​ລະບອບ​ລາຊາທິປະ​ໄຕ ຍ້ອນ​ວ່າ ພຽງ​ແຕ່​ເຈົ້າຊີວິດ​​ເທົ່າ​ນັ້ນ ​ຈຶ່ງ​ມີ​ສິດ​ຈັດ​ພິທີ​ໄຫ້​ວບູຊາ Giao​ ໝາຍ​ເຖິງ​ວິທີ​ໄຫ້​ວບູຊາ​ເທວະ​ດາ​ຟ້າ​ແຖນ, ພາວະນາ​ຂໍ​ໃຫ້​ປະ​ເທດ​ຊາດ ​ແລະ ປະຊາຊົນ​ມີ​ຄວາມ​ສະຫງົບ​ສຸກ, ​ເພື່ອ​ແນ​ໃສ່​ຢັ້ງຢືນ​ລັກສະນະ​ທາງ​ການ​ຂອງລາດ​ຊະ​ວົງ, ສິດ​ອຳນາດ​ຂອງ​ເຈົ້າຊີວິດ, ຕາມ​ຄຳ​ສັ່ງ​ຂອງ​ເທ​ລະດາຟ້າ​ແຖນ​ເພື່ອ​ປົກຄອງ​ປະຊາຊົນ. ສະນັ້ນ, ​ໃນ​ສະ​ໄໝ​ສັກ​ດີ​ນາ​ເກືອບ​ທັງ​ໝົດ ລ້ວນ​ແຕ່​ໄດ້​ຈັດພິທີ​ໄຫ້​ວບູຊາ Giao​ ​ແລະ​ ໃຫ້​ກໍ່ສ້າງເວທີ​ບູຊາ Nam Giao. ​ເວທີ​ໄຫ້​ວບູຊາ Giao​ ​ຖືກ​ກໍ່​ສ້າງຢູ່​ທາງ​ທິດ​ໃຕ້​ຂອງ​ລາຊະ​ວັງ, ມຸ້ງ​ໄປ​ເຖິງ​ທິດ​ໃຕ້, ສະນັ້ນ​ຈຶ່ງ​ເອີ້ນ​ວ່າ ເວທີ​ບູຊາ Nam Giao-​ເວທີ​ບູຊາ​ຢູ່​ທິດ​ໃຕ້. ທ່ານ Phan Thanh Hai ຜູ້ອຳນວຍການ​ສູນ​ອະນຸລັກ​ຮັກສາ​ມໍລະດົກ​ກຸງ​ເກົ່າ Hue ​ໃຫ້​ຮູ້​ວ່າ: ພິທີ​ໄຫ້​ວບູຊາ Nam Giao​ ​ໄດ້​ຮັບ​ການ​ຟື້ນ​ຟູນ​ຄືນ​ໃໝ່ ​ແລະ ພວມ​ໄດ້​ຮັບ​ການ​ຫັນ​ເປັນ​ວຽກ​ງານ​ຂອງ​ສັງຄົມ ​ເພື່ອ​ກາຍ​ເປັນ​ງານ​ບຸນຂອງ​ວົງ​ຄະນາ​ຍາດ: “ການ​ຟື້ນ​ຟູພິທີ​​ໄຫ້​ວບູຊາ Giao​ ​ໃນສະພາບ​ການ​ປະຈຸ​ບັນ ມີ​ລັກສະນະ​ວັດທະນະທຳມະ​ນຸດ, ນັ້ນ​ແມ່ນ​ການສະ​ແດງ​ໃຫ້​ເຫັນ​ຄວາມ​ມຸ້ງ​ຫວັງ​ຂອງ​ມະນຸດ ທີ່​ຢາກ​ດຳລົງ​ຊີວິດ​ກັບ​ມະນຸດ, ກັບ​ທຳ​ມະ​ຊາດ, ອາ​ວະ​ກາດ​ຢ່າງ​ກົມກຽວ. ສະ​ແດງ​ໃຫ້​ເຫັນ​ມຸນ​ເຊື້ອ​ວັດທະນະທຳ​ອັນ​ດີງາມ​ຂອງ​ຊາວ​ຫວຽດນາມ, ສະ​ແດງ​ຄວາມ​ມຸ້ງ​ຫວັງ​ ຢາກ​ດຳລົງ​ຊີວິດ​ໂດຍ​ສັນຕິ, ດິນ​ຟ້າ​ອາກາດ​ເອື້ອຍ​ອຳ​ນວຍ​ຄວາມ​ສະດວກ, ປະ​ເທດ​ຊາດ​ມີ​ຄວາມ​ສະຫງົບ, ປະຊາຊົນ​ມີ​ຄວາມ​ອີ່ມ​ໜຳ​ສຳລານ ​ແລະ ປະ​ເທດ​ຊາດ​ພັດທະນາ“.