ບັນດາພາກສ່ວນກໍ່ການຮ້າຍ ເຊິ່ງໄດ້ຮັບການໜູນຫຼັງຈາກຕ່າງປະເທດນັ້ນ ໄດ້ເລີ່ມຖ່າຍທຳວີດີໂອບັນດາສະຖານທີ່ກ່ຽວກັບບັນດາການບຸກໂຈມຕີດດ້ວຍເຄມີທີ່ຖືກສ້າງຂຶ້ນຢູ່ແຂວງ Idlib, ທາງທິດຕາເວັນຕົກສ່ຽງເໜືອຊີຣີ. ການກະທຳດັ່ງກ່າວໄດ້ຮັບການປະຕິບັດເພື່ອແນໃສ່ “ຖີ້ມໂທດ” ໃຫ້ບັນດາກຳລັງຂອງລັດຖະບານຊີຣີ ແລະ ສ້າງສາຍເຫດເພື່ອໃຫ້ອາເມລິກາ ແລະ ບັນດາພັນທະມິດຂອງວໍຊິງຕັນ ປຸກລະດົມບັນດາການບຸກໂຈມຕີທາງອາກາດແນໃສ່ບັນດາພົນທະຫານກອງທັບຊີຣີ.

        ໃນຖະແຫຼງການທີ່ໄດ້ຍົກອອກມາໃນວັນດຽວກັນ, ສູນໄກ່ເກ່ຍລັດເຊຍ ປະຈຳຊີຣີ ໃຫ້ຮູ້ວ່າ, ບັນດານັກຖ່າຍທຳວີດີໂອຈາກບາງຊ່ອງໂທລະພາບຂອງຕາເວັນອອກາງ ແລະ ຊ່ອງການເມືອງຂອງອາເມລິກາ ໄດ້ໄປເຖິງນະຄອນ Jisr a Shugur ໃນຕອນເຊົ້າວັນດຽວກັນເພື່ອຖ່າຍເອົາບັນດາຮູບພາບທີ່ຈຳເປັນໃຫ້ແກ່ການກະທຳເກາະຜິດດັ່ງກ່າວ.

        ກ່ອນໜ້ານັ້ນ, ອາເມລິກາ, ອັງກິດ, ຝລັ່ງ ໄດ້ອອກສຽງນາບຂູ່ວ່າ ຈະບຸກໂຈມຕີດ້ານການທະຫານຢູ່ຊີຣີ ຖ້າຫາກ “ກອງທັບລັດຖະບານຊີຣີ ສືບຕໍ່ນຳໃຊ້ອາວຸດເຄມີ”.