ປະຊາຊົນຮັບເຄື່ອງຊ່ວຍເຫຼືອມະນຸດສະທຳຢູ່ເຂດ ກາຊາ (ພາບ: AFP/TTXVN)

ວັນທີ 12 ຕຸລາ, ອົງການສາທາລະນະສຸກ ປາແລັດສະຕິນ ໃຫ້ຮູ້ວ່າ, ບັນດາເຫດບຸກໂຈມຕີທາງອາກາດຂອງ ອິດສະຣາແອັນ ຢູ່ພາກເໜືອ ກາຊາ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 19 ຄົນ, ໃນຂະນະທີ່ ທະຫານບົກ ອິດສະຣາແອັນ ຍັງສືບຕໍ່ບຸກເຂົ້າຄ້າຍລີ້ໄພ Jabalia, ເທດສະບານ Beit Hanoun  ແລະ Beit Lahiya, ເຊິ່ງເປັນບ່ອນທີ່ມີປະຊາຊົນນັບພັນຄົນພວມຖືກຕິດຄ້າງ. ອົງການສາທາລະນະສຸກ ປາແລັດສະຕິນ ຄາດວ່າ ຈຳນວນຜູ້ເສຍຊີວິດຢູ່ Jabalia  ໃນອາທິດຜ່ານມາ ແມ່ນປະມານ 150 ຄົນ. ໃນຂະນະນັ້ນ, ຕາມກຳລັງ ຮາມາດ ແລ້ວ, ການບຸກໂຈມຕີເລັ່ງໃສ່ສາມັນຊົນ ອິດສະຣາແອັນ ເພື່ອແນໃສ່ລົງໂທດ ປຊຊ Jabalia   ເພາະວ່າ ເຂົາເຈົ້າໄດ້ປະຕິເສດການຍົກຍ້າຍ.

ສ່ວນກອງທັບ ອິດສະຣາແອັນ ຖະແຫຼງວ່າ ບັ້ນບຸກໂຈມຕີຢູ່ພາກເໜືອ ກາຊາ ທີ່ດຳເນີນກ່ອນນີ້ 1 ອາທິດ ໄດ້ດັບສູນພວກກະບົດຢູ່ Jabalia  ແລະ ບັນດາເຂດອ້ອມຂ້າງນັບສິບຄົນນັ້ນ, ໄດ້ພົບເຫັນອາວຸດ ແລະ ມ້າງເພທໍາລາຍພື້ນຖານໂຄງລ່າງການທະຫານຂອງ ຮາມາດ, ພ້ອມທັງປະຕິເສດການບຸກໂຈມຕີເລັ່ງໃສ່ສາມັນຊົນ.

ມິງໂງ, ນັກຂ່າວ VOV