(vovworld)- ໃນ​ວັນ​ທີ 7/11, ທ່ານ Delfin Lorenzana ລັດ​ຖະ​ມົນ​ຕີ​ກະ​ຊວງ​ປ້ອ​ງ​ກັນ​ປະ​ເທດ​ຟີ​ລິບ​ປີນ ໃຫ້​ຮູ​້ວ່າ: ຟີ​ລິບ​ປີນ​ ຈະ​ຮັກ​ສາສົນ​ທິ​ສັນ​ຍາ ​ການ​ເພີ່ມ​ທະ​ວີດ້ານ​ປ້ອງກ​ັນ​ຊາດ​ ກັບ​ສະ​ຫະ​ລັດ​ອາ​ເມ​ລິ​ກາ, ກໍ່​ຄື​ສືບ​ຕໍ່​ຜັນ​ຂະ​ຫຍາຍ ​ບັນ​ດາ​ການ​​ຊ້ອມ​ຮົບ​ຮ່ວມ, ໂດຍບໍ່​ຫົວ​ຊາ ​ຕໍ່​ເລື່ອງ ​ທ່ານ ປະ​ທາ​ນາ​ທິ​ບໍ​ດີຟີ​ລິບ​ປີນ Rodrigo Duterte ​​ຂົ່ມຂູ່​ສິ້ນ​ສຸດ​ການເຄື່ອນ​ໄຫວ​ຮ່ວມ​ມື​ ດ້ານການ​ທະ​ຫານ ລະ​ຫວ່າງ ສອງ​ປະ​ເທດ ຢ່າງ​ຕໍ່​ເນື່ອງ. ທ່ານ ລັດ​ຖະ​ມົນ​ຕີ Delfin Lorenzana ຊີ້ແຈ້ງ​ວ່າ: ຂໍ້​ຕົກ​ລົງ​ເພີ່ມ​ທະ​ວີ​ການ​ຮ່ວມ​ມື​ດ້ານ​ປ້ອງ​ກັນ​​ຊາດ, ​ທີ່​ເຄີຍ​ໜູນ​ຊ່ວຍ​ກົນ​ໄກ​ນິ​ຕິ​ກຳ​ ໃຫ້​ວິ​ວັດ​ແຫ່ງ​ການ​ເພີ່ມ​ທະ​ວີ​ການ​ມີ​ໜ້າ ຂອງ​ພົນທະ​ຫານ​ສະ​ຫະ​ລັດ​ອາ​ເມ​ລິ​ກາ ຢູ່ ຟີ​ລິບ​ປີນ, “ຍັງ​ຄົງ​​ໄດ້​ຮັບ​ການຮັກ​ສາ​ໄວ້”. ນອກ​ຈາກນັ້ນ, ທ່ານ ລັດ​ຖະ​ມົນ​ຕີ Delfin Lorenzana ກໍ່​​ແຈ້ງ​ໃຫ້​ຮູ້ວ່າ: 2 ການ​ຊ້ອມ​ຮົບ​​ປະ​ຈຳ 2 ຄັ້ງ​ນັ້ນ, ລວມ​ມີ​ການ​​ຊ້ອມ​ຮົບ​ຮ່ວມ​ມື​ຝຶກອົບ​ຮົມ​ ແລະ ກຽມ​ພ້ອມ​ສູ້ຮົບ​ບົນທະ​ເລ (CARAT) ພ້ອ​ມ​ກັບ​ການ​ສ້ອມ​ຮົບ​ບຸກ​ໂຈມ​ຕີ ​ຍົກ​ພົນ​ສູ່​ພາກ​ພື້ນ ຟີ​ລິບ​ປີນ (PHIBLEX), ຈະ​ຖືກຕັດ​ຕອນ​ແຕ່​ການ​ຊ້ອມ​ຮົບ​​ທີ່​ມີ​ຂອບ​ຂະ​ໜາດ​ໃຫຍ່ ​ແມ່ນ “Balikatan” ຈະ​ສືບ​ຕໍ່​ໄດ້​ຮັບ​ການ​ຜັນ​ຂະ​ຫຍາຍ, ພ້ອມ​ກັນ​ນັ້ນ​ ແມ່ນ​ບັນ​ດາ​ການ​​ຊ້ອມ​ຮົບ​ທີ່​ມີ​ຂອບ​​ຂະ​ໜາດ​ນ້ອຍ ດ້ວຍ​ເນື້ອ​ໃນ​ຕ້ານ​ການກໍ່​ການ​ຮ້າຍ, ໜູນ​ຊ່ວຍ​ແກ້​ໄຂ​ບັນ​ດາ​ບັນ​ຫາມະ​ນຸດ​ສະ​ທຳ ແລະ ຮັບ​ມື​ກັບ​ວິ​ນາດ​ສະ​ກຳ.