ມີຄົນງານກວ່າ 17.000 ຄົນໄປເຮັດວຽກຢູ່ຕ່າງປະເທດໃນ 2 ເດືອນຕົ້ນປີ
(ພາບປະກອບ)
(vovworld) – ມີຄົນງານຫວຽດນາມ ກວ່າ 17.000 ຄົນໄປເຮັດວຽກຢູ່ຕ່າງປະເທດໃນ 2 ເດືອນຕົ້ນປີ, ຕົວເລກດັ່ງກ່າວເພີ່ມຂຶ້ນ 23,5% ເມື່ອທຽບໃສ່ໄລຍະດຽວກັນຂອງປີ 2014. ໄຕຫວັນ (ປະເທດຈີນ) ສືບຕໍ່ແມ່ນຕະຫຼາດຮັບຄົນງານຫວຽດນາມ ຫຼາຍກວ່າໝູ່, ດ້ວຍຈຳນວນຄົນງານ 10.906 ຄົນ, ກວມເອົາ 63,4% ຈຳນວນຄົນງານໄປເຮັດວຽກຢູ່ຕ່າງປະເທດ. ພິເສດຝ່າຍໄຕຫວັນ ພວມພິຈາລະນາຮັບເອົາຄົນງານຫວຽດນາມ ຄືນໃໝ່ໃນຂະແໜງຫາປາ ແລະ ຜູ້ຊ່ວຍວຽກໃນຄອບຄົວ. ຖ້າຫາກຂໍ້ຕົກລົງສືບຕໍ່ການຮ່ວມມືໃນ 2 ຂົງເຂດດັ່ງກ່າວໄດ້ຮັບການຮັບຮອງເອົາ, ຄົນງານຫວຽດນາມ ຈະມີກາລະໂອກາດໄປເຮັດວຽກຢູ່ຕະຫຼາດທີ່ເປັນມູນເຊື້ອ ແລະ ມີຄວາມສາມາດບົມຊ້ອນຫຼາຍຢ່າງນີ້. ພ້ອມກັບການສືບຕໍ່ພັດທະນາບັນດາຕະຫຼາດທີ່ເປັນມູນເຊື້ອແລ້ວ, ເພື່ອບັນລຸໄດ້ຄາດໝາຍດ້ານຈຳນວນຄົນງານໄປເຮັດວຽກຢູ່ຕ່າງປະເທດ, ບັນດາວິສາຫະກິດສົ່ງຄົນງານໄປເຮັດວຽກຢູ່ຕ່າງປະເທດ ພວມມຸ່ງໄປເຖິງການຊອກຫາໃບສັ່ງຊື້ທີ່ມີເງື່ອນໄຂເຮັດວຽກ, ມີລາຍຮັບທີ່ດີໃຫ້ຄົນງານ. ບາງຕະຫຼາດຢູ່ພາກຕາເວັນອອກກາງ ຈະໄດ້ຮັບການຂຸດຄົ້ນຢ່າງແຮງ. ພິເສດ, ຫວຽດນາມ ແລະ ໄທ ພວມກະກຽມບັນດາເງື່ອນໄຂຮັບຄົນງານຕື່ມອີກໃນໄລຍະຈະມາເຖິງ.