ບ່ອນເກີດເຫດບຸກໂຈມຕີ ເຮັດໃຫ້ 27 ຄົນເສຍຊີວິດ ແລະ ບາດເຈັບ (ພາບ: Reuters)

ວັນທີ 24 ຕຸລາ, ລັດຖະບານ ຕວັກກີ ໃຫ້ຮູ້ວ່າ ມີຜູ້ເສຍຊີວິດ 5 ຄົນ ແລະ ຜູ້ຖືກບາດເຈັບ 22 ຄົນ ໃນເຫດບຸກໂຈມຕີທີ່ເກີດຂຶ້ນໃນວັນທີ 23 ຕຸລາ, ຢູ່ສຳນັກງານກຸ່ມບໍລິສັດການບິນອາວະກາດ ຕວັກກີ, ເຊິ່ງເປັນບໍລິສັດປ້ອງກັນຊາດ ແລະ ການບິນແຖວໜ້າຂອງປະເທດນີ້.

        ຕາມທ່ານ Ali Yerlokaya ລັດຖະມົນຕີກະຊວງພາຍໃນ ຕວັກກີ ແລ້ວ,   ເປົ້າໝາຍ 2 ຄົນທີ່ດຳເນີນການບຸກໂຈມຕີ ຖືກດັບສູນ ແລະ ບັນດາອົງການເຈົ້າໜ້າທີ່ພວມດຳເນີນການສືບສວນເຫດການດັ່ງກ່າວ. ທ່ານ Ali Yerlikaya ໃຫ້ຂໍ້ສັງເກດວ່າ  ບັນດາວິທີປະຕິບັດເຫດບຸກໂຈມຕີ ໄດ້ຊີ້ໃຫ້ເຫັນວ່າ ມີຄວາມເປັນໄປໄດ້ສູງທີ່ພັກກຳມະກອນຊາວ Kurd (PKK) ຢືນຢູ່ເບື້ອງຫຼັງເຫດການນີ້. ພັກ PKK ຖືກ ຕວັກກີ, ອາເມລິກາ ແລະ ສະຫະພາບເອີຣົບ (EU) ເອົາເຂົ້າບັນຊີລາຍຊື່ອົງການກໍ່ການຮ້າຍ”.

ບ໊າທີ, ນັກຂ່າວ VOV ປະຈຳ ອີຢິບ