ສະຖານທີ່ຖືກອິດສະລາແອັນ ບຸກໂຈມຕີ ຢູ່ລີບັງ (ພາບ: Reuters)

ວັນທີ 23 ກັນຍາ, ກະຊວງ ສາທາລະນະສຸກ ລີບັງ ໃຫ້ຮູ້ວ່າ: ມີຜູ້ເສຍຊີວິດເກືອບ 500 ຄົນ, ອີກ 1.600 ຄົນໄດ້ຮັບບາດເຈັບໃນບັນດາການບຸກໂຈມຕີທາງອາກາດທີ່ດຸເດືອດຊື່ງບໍ່ເຄີຍມີມາກ່ອນຂອງກອງທັບ ອິດສະຣາ ແອນເຂົ້າ ລີບັງ.  ຜູ້ຮັບເຄາະຮ້າຍສ່ວນຫລາຍແມ່ນສາມັນຊົນ, ໃນນັ້ນ ມີເດັກນ້ອຍ, ແມ່ຍິງ ແລະ ພະນັກງານກູ້ໄພກູ້ຊີບເປັນຈຳນວນຫຼາຍ. ຕໍ່ຫນ້າສະພາບຕົວຈິງດັ່ງກ່າວ, ລັດຖະບານ ລີບັງ ໄດ້ອັດປະຕູ ໂຮງຮຽນທັງໝົດຢູ່ເຂດພາກໃຕ້ຂອງປະເທດນີ້ ໃນວັນທີ 23 – 24 ກັນຍາ ເພື່ອແນໃສ່ຮັບປະກັນຄວາມປອດໄພໃຫ້ແກ່ນັກຮຽນ ແລະຄູອາຈານ.

ປະຕິກິລິຍາກ່ຽວກັບເຈດຈຳນົງບຸກໂຈມຕີດ້ວຍທະຫານບົກຂອງ ອິດສະຣາແອນ ເຂົ້າ ລີບັງ, ເຈົ້າຫນ້າທີ່ຂັ້ນສູງ ຂຶ້ນກັບ ກະຊວງການຕ່າງປະເທດ ອາເມລິກາ ຢັ້ງຢືນວ່າ: ວໍຊິງຕັນ ຄັດຄ້ານແຜນການດັ່ງກ່າວ ເພາະຖືວ່າ ມັນບໍ່ຊ່ວຍຫລຸດຜ່ອນຄວາມເຄັ່ງຕຶງຢູ່ເຂດນີ້. ທ່ານ Najib Mikati ຜູ້ຮັກສາການ ນາຍົກລັດຖະມົນຕີ ຂອງ ລີບັງໄດ້ຮຽກຮ້ອງ ສະຫະປະຊາຊາດ ແລະບັນດາປະເທດ ຈົ່ງສະກັດກັ້ນ ອິດສະຣາແອນ ທຳລາຍບັນດາໝູ່ບ້ານ ແລະ ເທດສະບານຂອງ ລີບັງ. ກ່າວຄຳເຫັນທີ່ການຖະແຫລງຂ່າວ ເມື່ອພວມເຂົ້າຮ່ວມກອງປະຊຸມຄັ້ງທີ 79 ຂອງສະມັດຊາໃຫຍ່ ສປຊ ຢູ່ ອາເມລິກາ, ທ່ານ ປະທານາທິບໍດີ ອີຣານ Masoud Pezeshkian ກ່າວປະນາມ ເລື່ອງ ອິດສະຣາແອນ ຊອກຫາວິທີການເປີດກວ້າງການປະທະກັນ. ໃນຂະນະນັ້ນດ ທ່ານນາຍົກລັດຖະມົນຕີ ອີຣານ Mohammed Shia al-Sudani ຮຽກຮ້ອງຈັດຕັ້ງການປະຊຸມດ່ວນຂອງບັນດາປະເທດ ອາຣັບ ຢູ່ນອກກອງປະຊຸມຂອງສະມັດຊາໃຫຍ່ ສປຊ.

ນັກຂ່າວ VOV ປະຈຳ ອີຢີບ