ມີຜູ້ແທນກວ່າ 2.000 ທ່ານ ເຊິ່ງລວມມີບັນດາເຈົ້າໜ້າທີ່ລັດຖະບານ, ວິສາຫະກິດ ແລະ ນັກຮຽນຮູ້ ທີ່ມາຈາກ 60 ປະເທດ ແລະ ເຂດແຄວ້ນໃນໂລກ ໄດ້ເຂົ້າຮ່ວມກອງປະຊຸມປະຈໍາປີຂອງເວທີປາໄສອາຊີ ປົວອາວ 2019 (BFA 2019) ເຊິ່ງຖືກຈັດຂຶ້ນຢູ່ເທດສະບານເມືອງ ປົ໊ວອ໊າວ, ແຂວງ ໄຮ່ໜານ ທາງພາກໃຕ້ຂອງຈີນ. 

ດ້ວຍຫົວຂໍ້ວ່າ “ຮ່ວມຊາຕະກໍາ, ຮ່ວມກັນກະທໍາ ແລະ ຮ່ວມກັນພັດທະນາ”, BFA 2019 ຈະຈັດຕັ້ງວາລະປະຊຸມ 50 ຄັ້ງເພື່ອປຶກສາຫາລື 5 ບັນຫາຄື: ພື້ນຖານເສດຖະກິດໂລກເປີດ; ລັດທິຫຼາຍຝ່າຍ, ຮ່ວມມືໃນພາກພື້ນ ແລະ ການບໍລິຫານທົ່ວໂລກ; ປ່ຽນແປງກໍາລັງໜູນ ໃໝ່; ພັດທະນາທີ່ມີຄຸນນະພາບສູງ ແລະ ບັນດາບັນຫາຮ້ອນເຮັ່ງ.

ໂດຍໄດ້ຮັບການສ້າງຕັ້ງມານັບແຕ່ປີ 2001 ແລະ ປຽບເໝືອນວ່າ ແມ່ນ“ເວທີປາໄສເສດຖະກິດ Davos ຂອງ ອາຊີ”, BFA ແມ່ນມຸ່ງໄປສູ່ເປົ້າໝາຍຊຸກຍູ້ການຮ່ວມມືດ້ານເສດຖະກິດຢູ່ພາກພື້ນ ອາຊີ - ປາຊີຟິກ ຜ່ານການແບ່ງປັນບົດຮຽນ, ຮ່ວມມື, ແລກປ່ຽນແຫຼ່ງກໍາລັງ ແລະ ພ້ອມກັນຮັບມືກັບບັນດາສິ່ງທ້າທາຍລວມ.