(ທີ່ພິທີມອບ-ຮັບ)

ວັນທີ 01 ມິຖຸນາ, ຢູ່ນະຄອນຫຼວງ New Delhi, ສະຖານທູດຫວຽດນາມ ປະຈຳອິນເດຍ ໄດ້ຈັດພິທີມອບ-ຮັບໜູນຊ່ວຍຂອງປະຊາຊົນ, ພຸດທະສາສະນິກກະຊົນຫວຽດນາມ ຊ່ວຍເຫຼືອປະຊາຊົນອິນເດຍ ແລະ ເນປານ ເພື່ອຮັບມືກັບໂລກລະບາດໂຄວິດ-19. ເຫດການດຳເນີນໂດຍກົງ ແລະ ອອນລາຍ.

        ທີ່ພິທີ, ທ່ານເອກອັກຄະລັດຖະທູດຫວຽດນາມ ຟ້າມແຊງເຈົາ ໄດ້ມອບເຄື່ອງຊ່ວຍຫາຍໃຈ 35 ເຄື່ອງ ແລະ 14 ບ້ວງເງິນໜູນຊ່ວຍທີ່ມີມູນຄ່າປະມານ 4 ຕື້ດົ່ງໃຫ້ສະຫະພັນພຸດທະສາສະໜາອິນເດຍ ແລະ 14 ອົງການຈັດຕັ້ງ, ສ່ວນບຸກຄົນຢູ່ອິນເດຍ, ເນປານ. ທ່ານ ຟ້າມແຊງເຈົາ ໃຫ້ຮູ້ວ່າ, ການໜູນຊ່ວຍນີ້ແມ່ນມາຈາກບັນດາອົງການຈັດຕັ້ງ, ສ່ວນບຸກຄົນຫວຽດນາມ ແລະ ນີ້ແມ່ນພະຍານຫຼັກຖານສະແດງໃຫ້ເຫັນຄວາມສາມັກຄີ, ສະໜິດຕິດພັນລະຫວ່າງຊາດຫວຽດນາມ ກັບປະຊາຊົນ 2 ປະເທດອິນເດຍ, ເນປານ ແລະ ຫວັງວ່າ ເຂົາເຈົ້າຈະມີກຳລັງແຮງຕື່ມອີກເພື່ອຍູ້ໂລກລະບາດໃຫ້ຖອຍໄປ.

        ເນື່ອງໃນໂອກາດນີ້, ຜູ້ຕາງໜ້າບັນດາອົງການຈັດຕັ້ງ, ສ່ວນບຸກຄົນອິນເດຍ ແລະ ເນປານ ໄດ້ສົ່ງຄຳຂອບໃຈເຖິງບັນດາຜູ້ໃຈບຸນໃຈກຸ້ສົນຫວຽດນາມ ເວົ້າສະເພາະ ແລະ ປະຊາຊົນຫວຽດນາມ ເວົ້າລວມ, ພ້ອມທັງຕີລາຄາສູງການໜູນຊ່ວຍຢ່າງແທດຈິງ, ສຸດຈິດສຸດໃຈຂອງສະຖານທູດຫວຽດນາມ ປະຈຳອິນເດຍ.