ພິທີມອບລາງວັນ (ພາບ: TTXVN)

ທີ່ພິທີມອບລາງວັນ, ຄະນະຈັດຕັ້ງໄດ້ມອບລາງວັນ A 10 ລາງວັນ, ລາງວັນ B 20 ລາງວັນ, ລາງວັນ C 32 ລາງວັນ, ລາງວັນຊົມເຊີຍ 60 ລາງວັນ ແລະ ລາງວັນແຫ່ງຄວາມຫວັງ 20 ລາງວັນ. ໂດຍຍາດໄດ້ ລາງວັນ A, ນັກຂ່າວ ກິງບາງ, ຕາງໜ້າກຸ່ມນັກຂ່າວ ໂທລະພາບຕຳຫຼວດປະຊາຊົນ, ກະຊວງ ຕຳຫຼວດ ຫວຽດນາມ ດ້ວຍບົດນິພົນທີ່ມີຊື່ວ່າ “ເປັນເຈົ້າການຮັບຮູ້ ແລະ ຕໍ່ສູ້ກັບກົນອຸບາຍສວຍໃຊ້ບັນຫາຊົນເຜົ່າ, ສາສະໜາຂອງບັນດາອິດທິກຳລັງເປັນປໍລະປັກ” ໃຫ້ຮູ້ວ່າ:

“ປັດຈຸບັນ, ບັນດາອິດທິກຳລັງເປັນປໍລະປັກ ຍັງຫວັງມ້າງເພທຳລາຍພື້ນຖານແນວຄິດຂອງພັກ. ເຂົາເຈົ້າພະຍາຍາມ ແລະ ຕ້ານ, ທຳລາຍຢ່າງບໍ່ຢຸດຢັ້ງ ດ້ວຍຈຸດປະສົງ ລົບລ້າງລະບອບຂອງພັກ. ກຸ່ມນັກຂ່າວພວກຂ້າພະເຈົ້າ ພະຍາຍາມຮັບຮູ້ ແລ້ວຊ່ວຍໃຫ້ປະຊາຊົນມີຄວາມເຂົ້າໃຈແຈ້ງກ່ຽວກັບທາດແທ້, ແບບວິທີ, ກົນອຸບາຍຂອງເຂົາເຈົ້າ. ໃນຍຸກເຕັກໂນໂລຢີ 4.0 ໃນປັດຈຸບັນ, ບັນດາເປົ້າໝາຍອາດຈະເສກສັນປັ້ນແຕ່ງ, ບິດເບືອນຄວາມຈິງໄດ້ຢ່າງງ່າຍດາຍ. ດັ່ງນັ້ນ, ການປົກປ້ອງພື້ນຖານແນວຄິດໃນປັດຈຸບັນ ແມ່ນໜ້າທີ່ສຳຄັນ ແລະ ຈຳເປັນທີ່ສຸດ.”

ການແຂ່ງຂັນແຕ່ງບົດນິພົນດ້ານການເມືອງ ປົກປ້ອງພື້ນຖານແນວຄິດຂອງພັກ ຄັ້ງທີ 3 ປີ 2023 ໂດຍສະຖາບັນການເມືອງແຫ່ງຊາດ ໂຮ່ຈີມິນ ສົມທົບກັບຄະນະໂຄສະນາສຶກສາສູນກາງພັກ, ສະພາທິດສະດີສູນກາງພັກ, ວາລະສານ ຄອມມູນິດ, ໂທລະພາບແຫ່ງຊາດ ຫວຽດນາມ ແລະ ສະມາຄົມນັກຂ່າວ ຫວຽດນາມ ສົມທົບກັນຈັດຕັ້ງຂຶ້ນ.  ພາຍຫຼັງປຸກລະດົມມາເປັນເວລາກວ່າ 9 ເດືອນ, ຄະນະຈັດຕັ້ງໄດ້ຮັບບົດນິພົນເຂົ້າຮ່ວມການເສັງກວ່າ 300.000 ບົດ. ວິທະຍຸກະຈາຍສຽງ ຫວຽດນາມ ຍາດໄດ້ລາງວັນ A ໜຶ່ງລາງວັນ, ລາງວັນ C ສອງລາງວັນ.