(ພາບປະກອບ)
(vovworld) – ຕອນຄ່ຳວັນທີ 11/10, ຢູ່ຮ່າໂນ້ຍ, ສະຫະພັນນັກທະນາຍຄວາມ ຫວຽດນາມ ຈັດຕັ້ງພິທີມອບລາງວັນໃຫ້ການເສັງປະດິດຄິດແຕ່ງບົດເພງ, ບົດກະວີ, ບົດປະພັນວັນນະຄະດີກ່ຽວກັບທະນາຍຄວາມ ແລະ ອາຊີບທະນາຍຄວາມ ຫວຽດນາມ ປີ 2015. ນີ້ແມ່ນໜຶ່ງໃນບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງວັນມູນເຊື້ອນັກທະນາຍຄວາມ ຫວຽດນາມ (10/10/1945 – 10/10/2015). ໂດຍຜ່ານການປຸກລະດົມເປັນເວລາ 6 ເດືອນ (ແຕ່ເດືອນ 3 – 9/2015), ຄະນະຈັດຕັ້ງການເສັງໄດ້ຮັບບົດເພງ 34 ບົດ, ບົດກະວີ 183 ບົດ ແລະ ບົດປະພັນວັນນະຄະດີ 37 ບົດ. ສິ້ນສຸດການເສັງ, ມີ 9 ບົດປະພັນໄດ້ຮັບລາງວັນ. ຕາມການຕີລາຄາຂອງຄະນະຈັດຕັ້ງ, ບັນດາບົດປະພັນທີ່ຍາດໄດ້ລາງວັນແມ່ນມີເນື້ອໃນສຸມໃສ່ສ່ອງແສງ, ອາຊີບທະນາຍຄວາມ, ສ່ອງແສງຊີວິດກົດໝາຍອຸດົມສົມບູນ ໂດຍຜ່ານການເຄື່ອນໄຫວຂອງນັກທະນາຍຄວາມ.