(vovworld) – ຕອນ​ເຊົ້າ​ວັນ​ທີ 1/11, ຢູ່​ແຂວງ ກວາງ​ບີ່ງ, ໄດ້​ຈັດ​ຕັ້ງ​ພິ​ທີ​ມອບຫຼຽ​ນ​ໄຊ, ຫຼຽນ​ກາ​ຂອງ ສ​ປ​ປ ລາວ ໃຫ້​ແກ່​ພະ​ນັກ​ງານ, ນັກຊ່ຽວ​ຊານ, ທະ​ຫານ​ອາ​ສາ​ສະ​ໝັກ​ແຂວງ ກວາງ​ບີ່ງ 43 ຄົນ. ແຕ່​ປີ 1945 – 1975, ມີ​ພະ​ນັກ​ງານ, ນັກ​ຮົບ ຫວຽດ​ນາມ ກ່​ວາ 5 ແສ​ນ​ເທື່ອ​ຄົນ​ໄດ້​ໄປ​ຊ່ວຍ​ເຫຼືອ​ລາວ, ມີ​ພະ​ນັກ​ງານ, ນັກ​ຮົບ​ປະ​ມານ 40.000 ຄົນ​ໄດ້​ເສຍ​ສະຫຼະ​ຊີ​ວິດ​ຢ່າງ​ພິ​ລະ​ອາດ​ຫານ, ໃນ​ນັ້ນ​ມີ​ຫຼາຍ​ຄົນ​ຢູ່​ແຂວງ ກວາງ​ບີ່ງ. ກ່າວ​ຄຳ​ເຫັນ​ທີ່​ພິ​ທີ, ທ່ານ ຫງວຽນ​ຫືວ​ຮ່​ວາຍ, ປະ​ທານ​ຄະ​ນະ​ກຳ​ມະ​ການ​ປະ​ຊາ​ຊົນ​ແຂວງ ກວາງ​ບີ່ງ, ເນັ້ນ​ໜັກ​ວ່າ: 2 ປະ​ເທດ ຫວຽດ​ນາມ - ລາວ ມີ​ການ​ພົວ​ພັ​ນ​ມີດ​ຕະ​ພາບ​ທີ່​ເປັນ​ມູນ​ເຊື້ອ​ແບບ​ພິ​ເສດ. ນ້ຳ​ໃຈ​ສາ​ມັກ​ຄີ, ມີດ​ຕະ​ພາບ​ແບບ​ພິ​ເສດ​ທີ່​ຫາ​ຍາກນັ້ນ​ແມ່ນ​ຊັບ​ສົມ​ບັດ​ລວມ​ທີ່​ສັກ​ກະ​ລະ​ບູ​ຊາ​ຂອງ 2 ຊາດ, ມີ​ຄວາມ​ໝາຍ​ພິ​ເສດ, ຍ້ອນ​ມີ​ການ​ເສຍ​ສະຫຼະ​ເລືອດ​ເນື້ອ​ຂອງ​ພະ​ນັກ​ງານ, ນັກ​ຮົບ ແລະ ປະ​ຊາ​ຊົນ 2 ປະ​ເທດຫຼາຍ​ລຸ້ນ​ຄົນ.