(vovworld) - ​ເນື່ອງ​ໃນ​ໂອກາດສະ​ເຫຼີ​ມສະຫຼອ​ງ 72 ປີ​ແຫ່ງ​ວັນ​ສ້າງ​ຕັ້ງ​ກອງທັບ​ປະຊາຊົນ​ຫວຽດນາມ (22/12/1944 – 22/12/2016), ວັນ​ທີ 22/12, ຄະນະ​ກຳມະການ​ປະຊາຊົນ​ແຂວງ ບັ໋ກກ້ານ ​ໄດ້​ຈັດ​ພິທີ​ມອບຫຼຽນ​ໄຊ, ຫຼຽນ​ກາຂອງ​ປະ​ເທດສປປ.ລາວ ​ໃຫ້​ບັນດາ​ພະ​ນັກ​ງານ​ຊ່ຽວຊານ, ທະຫານ​ອາສາ​ສະໝັກ​ຫວຽດນາມ ​ທີ່​ໄດ້​ຕໍ່ສູ້​ຢ່າງ​ພິລະ​ອາດ​ຫານ, ​ເສຍສະຫຼະຊີວິດ​ເພື່ອ​ພາລະກິດ​ປົດ​ປ່ອຍຊາດຂອງ​ການ​ປະ​ຕິ​ວັດ​ລາວ. ກ່າ​ວຄຳ​ເຫັນ​ທີ່​ພິທີ, ທ່ານ​ປະທານ​ຄະນະ​ກຳມະ​ການ​ປະຊາຊົນ​ແຂວງ ບັ໋ກກ້ານ ປາດ​ຖະໜາ​ວ່າ, ບັນດາ​ນັກຮົບ​ເກົ່າ ສືບ​ຕໍ່​ເສີມ​ຂະຫຍາຍ​ພູມ​ປັນ​ຍາ, ມູນ​ເຊື້ອ​ອັນ​ສະຫງ່າ​ລາສີ​ຂອງ​ກອງທັບ​ປະຊາຊົນ​ຫວຽດນາມ, ທະຫານ​ອາສາ​ສະໝັກ​ປະຕິບັດ​ໜ້າ​ທີ່​ສາກົນ​ອັນ​ສູງ​ສົ່ງ, ສືບ​ຕໍ່​ມີ​ການ​ປະກອບສ່ວນ​ໃຫ້​ຄະນະ​ພັກ, ອຳນາດ​ການ​ປົກຄອງ​ທ້ອງ​ຖິ່ນ​ໃນ​ການ​ພັດທະນາ​ເສດຖະກິດ​ສັງຄົມ ​ແລະ ພິ​ເສດ​ແມ່ນ​ໃນ​ການ​ສຶກສາອົບ​ຮົມ​​ມູນ​ເຊື້ອ​ປະຫວັດສາດ​ໃຫ້​ລຸ້ນໜຸ່ມ. ​ໃນການ​ຕໍ່ຕ້ານ 2 ຄັ້ງ​ຂອງ​ຊາດ​ລາວ, ມີ​ລູກ​ຫຼານ​​ບ້ານ​ເກີດ​ເມືອງ​ນອນ​ບັ໋ກກ້ານ ນັບ​ຮ້ອຍ​ຄົນ​ໄດ້​ເຂົ້າ​ຮ່ວມ​ການ​ສູ້ຮົບ ​ແລະ ມີ​ຫຼາຍ​ຄົນ​ຖືກ​​​ເສ​ຍຊີວິດ​ຢູ່​ສະໜາມ​ຮົບ​ລາວ. ບັນດາ​ການ​ປະກອບສ່ວນ​ດ້ວຍ​ເລືອ​ດ​ເນື້ອ​ເຫື່ອ​ແຮງ​ນັ້ນ​ໄດ້ນຳ​ມາ​ເຊິ່ງສັນ​ຕະພາບ, ​ເອກະລາດ​ໃຫ້​ປະ​ເທດ​ລາວ ​ໃນ​ປະຈຸ​ບັນ, ກໍ​ຄື​ຄວາມ​ສາມັກຄີ​ທີ່ສະໜິດ​ຕິດ​ພັນ​ລະຫວ່າງ 2 ຊາດ​ອ້າ​ຍນ້ອງ​ທີ່​ໝັ້ນຄົງ​ຂະໜົງ​ແກ່ນຈົ່ນ​ຊົ່ວ​ກາລະ​ນານ.