ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ສົ່ງຈົດໝາຍໄປຍັງມະຫາວິທະຍາໄລ ໂຮ່ຈີມິນ (ພາບປະກອບ: TTXVN)

ວັນທີ 15 ມັງກອນ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ສົ່ງຈົດໝາຍໄປຍັງມະຫາວິທະຍາໄລ ໂຮ່ຈີມິນ. ໃນຈົດໝາຍ, ທ່ານນາຍົກລັດຖະມົນຕີ ໄດ້ຮັບຮູ້ ແລະ ອວຍພອນໃຫ້ມະຫາວິທະຍາໄລແຫ່ງຊາດນະຄອນ ໂຮ່ຈີມິນ ແມ່ນໜຶ່ງໃນບັນດາສູນບຳລຸງສ້າງຂັ້ນມະຫາວິທະຍາໄລ, ຫຼັງມະຫາວິທະຍາໄລ ແລະ ຄົ້ນຄວ້າວິທະຍາສາດ - ເຕັກໂນໂລຊີຫຼາຍຂະແໜງ, ຫຼາຍຂົງເຂດ, ມີຄຸນນະພາບສູງ, ດ້ວຍລະດັບສາກົນ, ສວມບົດບາດສຳຄັນໃນລະບົບສຶກສາຂັ້ນມະຫາວິທະຍາໄລຂອງ ຫວຽດນາມ. ປີ 2021, ໃນສະພາບໂລກລະບາດໂຄວິດ-19 ມີການຜັນແປຢ່າງສັບສົນ, ທາງໂຮງຮຽນໄດ້ເປັນເຈົ້າການຮັບມື, ຫັນປ່ຽນວິທີການເຮັດວຽກ ແລະ ວຽກງານບຳລຸງສ້າງໃຫ້ເໝາະສົມໂດຍໄວ, ຍູ້ແຮງຄວາມເປັນເຈົ້າການ, ສືບຕໍ່ຮັກສາລະດັບສູງໃນບັນດາຕາຕະລາງຈັດອັນດັບມະຫາວິທະຍາໄລຂອງພາກພື້ນ ແລະ ໂລກ. ທ່ານນາຍົກລັດຖະມົນຕີ ປາດຖະໜາວ່າ ມະຫາວິທະຍາໄລແຫ່ງຊາດນະຄອນ ໂຮ່ຈີມິນ ຈະເສີມຂະຫຍາຍຈິດໃຈເຂັ້ມແຂງດ້ວຍຕົນເອງ, ບືນຕົວຂຶ້ນຢ່າງແຮງຈາກກຳລັງແຮງຂອງຕົນ; ສ້າງ ແລະ ພັດທະນາມະຫາວິທະຍາໄລແຫ່ງຊາດນະຄອນ ໂຮ່ຈີມິນ ໃຫ້ກາຍເປັນລະບົບມະຫາວິທະຍາໄລ “ມີຄຸນນະພາບສູງ”, ໃນກຸ່ມແຖວໜ້າຢູ່ ອາຊີ ແລະ ໃນໂລກ.