ບັນດາວິສາຫະກິດຫວຽດນາມພວມຍູ້ແຮງ, ມານະພະຍາຍາມໂຄສະນາຜະລິດຕະພັນກະເສດຢູ່ຕະຫຼາດຍີ່ປຸ່ນ ໃນຂອບເຂດງານບຸນຫວຽດນາມຄັ້ງທີ 10 (2008 – 2018), ເຊິ່ງໄດ້ດຳເນີນເປັນເວລາ 02 ວັນ ແຕ່ວັນທີ 19 – 20 ພຶດສະພາ, ທີ່ໂຕກຽວ. ຫວຽດນາມໄດ້ຮັບການຕີລາຄາວ່າ ແມ່ນປະເທດທີ່ມີທ່າແຮງກ່ຽວກັບບັນດາປະເພດສິນຄ້າຜະລິດຕະພັນກະເສດ ເຊັ່ນ ໝາກໄມ້, ກາເຟ ແລະ ອື່ນໆ. ດັ່ງນັ້ນ, ນີ້ກໍແມ່ນໜຶ່ງໃນບັນດາປະເພດສິນຄ້າຫຼັກແຫຼ່ງ ທີ່ໄດ້ແນະນໍາ, ໂຄສະນາຢູ່ຍີ່ປຸ່ນໃນໄລຍະຜ່ານມາ.

        ປັດຈຸບັນ, ຫວຽດນາມໄດ້ສົ່ງໝາກໄມ້ສາມປະເພດອອກສູ່ຕະຫຼາດຍີ່ປຸ່ນ ລວມມີ ໝາກມັງກອນເນື້ອຂາວ ແລະເນື້ອແດງ, ໝາກມ່ວງ ແລະ ໝາກກ້ວຍ. ໜຶ່ງໃນບັນດາທ່າແຮງຂອງໝາກໄມ້ຫວຽດນາມຢູ່ຕະຫຼາດຍີ່ປຸ່ນ ແມ່ນໃຊ້ເວລາຂົນສົ່ງໜ້ອຍ, ຈາກຫວຽດນາມໄປເຖິງຍີ່ປຸ່ນເສຍເວລາ ພຽງ 6 ວັນ. ສະນັ້ນ, ໝາກໄມ້ຮັບປະກັນໄດ້ຄວາມສົດ ແລະ ລົດຊາດ. ໃນໄລຍະຈະມາເຖິງ, ບັນດາບໍລິສັດຍີ່ປຸ່ນ ຢາກເປີດກວ້າງບັນຊີລາຍຊື່ໝາກໄມ້ຂອງຫວຽດນາມ ເພື່ອນຳເຂົ້າຕະຫຼາດຍີ່ປຸ່ນຕື່ມອີກ.

        ປັດຈຸບັນ ຫວຽດນາມ ໄດ້ວາງແຜນການແນະນຳເພີ່ມເຕີມບັນດາປະເພດຜະລິດຕະພັນກະເສດອື່ນ ຄື ໝາກລີ້ນຈີ, ໝາກລຳໃຍ, ໝາກງໍ້, ໝາກມັງກູດ ໃຫ້ບັນດາຄູ່ຮ່ວມມືຍີ່ປຸ່ນ. ສອງຝ່າຍພວມໃນໄລຍະເຈລະຈາ ເພື່ອສົ່ງອອກໝາກລີ້ນຈີໄປຍັງຕະຫຼາດຍີ່ປຸ່ນ.