ວັນທີ 23 ກຸມພາ, ບໍລິສັດໂທລະຄົມມະນາຄົມ Maxis ຂອງ ມາເລເຊຍ ຖະແຫຼງວ່າ ໄດ້ສົມທົບກັບກຸ່ມບໍລິສັດເຕັກໂນໂລຢີ Huawei ຂອງ ຈີນ ຈັດລາຍການທົດລອງໂດຍກົງເຕັກໂນໂລຢີອິນເຕີເນັດ 5.5G ຄັ້ງທຳອິດຢູ່ພາກພື້ນ ອາຊີຕາເວັນອອກສ່ຽງໃຕ້ ຢ່າງສຳເລັດຜົນ.

Maxis ໃຫ້ຮູ້ວ່າ ການທົດລອງນີ້ ໄດ້ພິສູດໃຫ້ເຫັນວ່າເຕັກໂນໂລຢີ 5.5G ສາມາດບັນລຸໄດ້ລະດັບຄວາມໄວຂຶ້ນເຖິງ 8Gbps, ຜ່ານນັ້ນ ໝັ້ນໝາຍວ່າ ມີຄວາມສາມາດບົ່ມຊ້ອນປົວແປງລະດັບຄວາມໄວການເຊື່ອມຕໍ່ລະຫວ່າງເຄື່ອງອຸປະກອນຕ່າງໆ ດ້ວຍລະດັບຄວາມໄວຂຶ້ນທົບ 10 ເທົ່າ ເມື່ອທຽບໃສ່ອິນເຕີເນັດ 5G.

ເຕັກໂນໂລຢີ 5.5G ສາມາດຊ່ວຍວິວັດທະນາການຫັນເປັນດີຈີຕອນ ແລະ ອັດຕະໂນມັດໃນຫຼາຍຂົງເຂດ, ຜ່ານນັ້ນສ້າງເງື່ອນໄຂສະດວກໃຫ້ແກ່ຂະແໜງອຸດສາຫະກຳທີ່ໝູນໃຊ້ເຕັກນິກດີຈີຕອນ ແລະ ຂົງເຂດພັດທະນາລະບົບຄົມມະນາຄົມອັດສະລິຍະ.