ສະພາບການຢູ່ລັດ Rakhine ຂອງປະເທດ ມຽນມາ ພາບ: AP

ທ່ານລັດຖະມົນຕີການຕ່າງປະເທດ ມາເລເຊຍ Anifah Aman ເນັ້ນໜັກວ່າ ມາເລເຊຍ ແລະ ບັນດາປະເທດບ້ານໃກ້ເຮືອນຄຽງຂອງ ອາຊຽນ ມີໄພປະເຊີນໜ້າຕໍ່ຄວາມຂາດສະຖຽນລະພາບຢ່າງຮ້າຍແຮງໃນພາກພື້ນ ຖ້າຫາກສະພາບການຢູ່ລັດ Rakhine ຂອງປະເທດ ມຽນມາ ບໍ່ໄດ້ຮັບການແກ້ໄຂ, ເພາະສະນັ້ນ ບັນດາປະເທດຕ້ອງມີການກະທຳໃນທັນທີ. ທ່ານ Anifah Aman ຖືວ່າ: ສະພາບການຂາດສະຖຽນລະພາບຢູ່ ມຽນມາ ຈະແມ່ນສະຖານທີ່ ເພື່ອໃຫ້ບັນດາກຸ່ມຫົວຮຸນແຮງ, ໃນນັ້ນມີອົງການ “ລັດອິດສະລາມ” (IS) ຮັບສະໝັກ ແລະ ສ້າງຖານທີ່ໝັ້ນຢູ່ ອາຊີຕາເວັນອອກ ແລະ ອາຊີໃຕ້. ນອກນັ້ນ, ສະພາບການໃຊ້ຄວາມຮຸນແຮງຢູ່ລັດ Rakhine ຈະສົ່ງຜົນສະທ້ອນຢ່າງໃຫຍ່ຫລວງຕໍ່ວົງຄະນະຍາດຊາວ Rohingya ກໍ່ຄືພົນລະເມືອງຢູ່ບັນດາປະເທດບ້ານໃກ້ເຮືອນຄຽງ. ຕາມນັ້ນແລ້ວ, ມາເລເຊຍ ຮຽກຮ້ອງລັດຖະບານ ມຽນມາ ສ້າງເງື່ອນໄຂໃຫ້ບັນດາການເຄື່ອນໄຫວອຸປະຖຳດ້ານມະນຸດສະທຳຢູ່ລັດ Rakhine.