(vovworld) - ຕອນ​ຄໍ່າ​ວັນ​ທີ 01/03, ທ່ານ​ນາຍົກລັດຖະມົນຕີມາ​ເລ​ເຊຍ Najib Tun Razak ​ໄດ້​ເຂົ້າ​ຮ່ວມ​ພິທີເປີດ​ສະຫຼອງຂົວ Penang ​​ແຫ່ງທີ່ 2, ​ເຊິ່ງ​ແມ່ນຂົວ​ຍາວ​ກວ່າ​ໝູ່​ຢູ່​ອາຊີ​ຕາ​ເວັນ​ອອກ​ສ່ຽງ​ໃຕ້. ຂົວ Penang ​ແຫ່ງທີ່ 2 ມີ​ຊື່ວ່າ Abdul Halim Mu’adzam Shah ​ໄດ້​ຮັບ​ການ​ກໍ່ສ້າງ​​ໃນ​ໄລຍະ 5 ປີ ດ້ວຍ​ຍອດ​ຈຳນວນທຶນເກືອບ 1,5 ຕື້ USD. ຂົວບໍ່​ພຽງ​ແຕ່​ໄດ້​ຮັບ​ການ​ອອກ​ແບບ​ສະໜິດສະໜົມ​ກັບ​ສິ່ງ​ແວດ​ລ້ອມ​ແລ້ວ, ຫາກ​ຍັງ​ສາມາດ​ທົນ​ທານ​ກັບ​ລະດັບ​ສັ່ນສະ​ເທືອ​ນ​ເຖິງ 8,2 Richter ​ໄດ້.  ຂົວ​ມີ​ລວງ​ຍາວ 24 ກມ, ​ໃນ​ນັ້ນ​ມີຕອນ​ຂ້າມ​ຊ່ອງ​ທະ​ເລ​ມີ​ລວງ​ຍາວ 17 ກມ, ທີ່​ເຊື່ອມ​ຕໍ່​ຈາກ​ເທດ​ສະບາ​ນ Batu Kawan ຢູ່​ເຂດ​ດິນ​ຕໍ່​ແຜ່ນ ​​​ເຖິງ​​ເທດສະບານ Batu Maung ​ໃນ​ເກາະ, ການ​ກໍ່ສ້າງ​ສຳ​ເລັດ​ຂົວ​ດັ່ງກ່າວ​ຈະ​ປະກອບສ່ວນ​ຊຸກຍູ້​ການ​ເຕີບ​ໂຕ​ເສດຖະກິດ​ໃຫ້​ລັດ Penang, ພິ​ເສດ​ແມ່ນ​ບັນດາ​ເຂດ​ອຸດສາຫະກຳ​ຢູ່​ເຂດ​ດິນ​ຕໍ່​ແຜ່ນ Batu Kawan ​ທັງ​ຊຸກຍູ້ການ​ພັດທະນາ​ເສດຖະກິດ​ສັງຄົມ​ຢູ່​ເຂດ​ແລວ​ເສດຖະກິດ​ທາງ​ພາກ​ເໜືອ ຢ່າງ​ວ່ອງ​ໄວອີກ​ດ້ວຍ.