ຈອມພົນ Min Aung Hlaing, ປະທານສະພາບໍລິຫານແຫ່ງລັດ ມຽນມາ (ພາບ: AFP)

ຈອມພົນ Min Aung Hlaing, ປະທານສະພາບໍລິຫານແຫ່ງລັດ ມຽນມາ ໃຫ້ຄຳໝັ້ນສັນຍາຈະປະຕິບັດບາງຂໍ້ໃນຂໍ້ຕົກລົງເຫັນດີເຫັນພ້ອມ 5 ຂໍ້ຂອງ ອາຊຽນ ກ່ຽວກັບສະພາບການມຽນມາ ໃນປີນີ້, ເພື່ອແນໃສ່ຢຸດຕິວິກິດການທີ່ພວມເກີດຂຶ້ນຢູ່ປະເທດນີ້. ທີ່ບົດຄຳເຫັນໃນຊ່ອງໂທລະພາບແຫ່ງຊາດເມື່ອວັນທີ 1 ສິງຫາ, ຈອມພົນ Min Aung Hlaing ໄດ້ເນັ້ນໜັກວ່າ: ປີ 2022, ໃນຂະນະທີ່ສະພາບການພວມມີຄວາມຄືບໜ້າ, ບັນດາຂໍ້ທີ່ມີຄວາມສາມາດເປັນໄປໄດ້ທີ່ສຸດໃນຂໍ້ຕົກລົງເຫັນດີເຫັນພ້ອມ 5 ຂໍ້ກັບ ອາຊຽນ ຈະໄດ້ຮັບການປະຕິບັດໃນຂອບເຂດ ອາຊຽນ.

        ຫຼັກການເຫັນດີເຫັນພ້ອມ 5 ຂໍ້ໂດຍການນຳ ອາຊຽນ ຮັບຮອງເອົາໃນເດືອນ ເມສາ 2021 ເພື່ອແນໃສ່ໜູນຊ່ວຍໃຫ້ ມຽນມາ ຮັກສາສະພາບການເປັນປົກກະຕິ, ເຂົ້າຮ່ວມການຮ່ວມມື ອາຊຽນ, ສ້າງສາປະຊາຄົມຢ່າງມີປະສິດທິຜົນ. 5 ຂໍ້ທີ່ໄດ້ເຫັນດີເຫັນພ້ອມຂອງ ອາຊຽນ ກ່ຽວກັບ ມຽນມາເຊິ່ງລວມມີ: ຢຸດຕິການໃຊ້ຄວາມຮຸນແຮງ, ຈັດການເຈລະຈາທີ່ມີລັກສະນະສ້າງສັນລະຫວ່າງທຸກໆຝ່າຍທີ່ກ່ຽວຂ້ອງ, ອຸປະຖຳໃຫ້ແກ່ ມຽນມາ, ແຕ່ງຕັ້ງທູດພິເສດ ອາຊຽນ ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາການເຈລະຈາ ແລະ ອະນຸຍາດໃຫ້ທູດ ພິເສດ ອາຊຽນ ໄປຍັງ ມຽນມາ.