(VOVWORLD) - ວັນທີ 07 ກໍລະກົດ, ກອງປະຊຸມຄັ້ງທີ 3 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ໄດ້ກ້າວເຂົ້າສູ່ມື້ເຮັດວຽກທີ 3.
 ກອງປະຊຸມຄັ້ງທີ 3 ຄະນະບໍລິຫານງານສູນກາງພັກ ຊຸດທີ XIII (ພາບ: TTXVN) |
ໃນຕອນເຊົ້າ, ຄະນະບໍລິຫານງານສູນກາງພັກ ໄດ້ປຶກສາຫາລືກ່ຽວກັບກົດລະບຽບການເຮັດວຽກຂອງຄະນະບໍລິຫານງານສູນກາງພັກ, ກົມການເມືອງ ແລະ ຄະນະເລຂາສູນກາງພັກຊຸດທີ XIII; ຮ່າງກົດລະບຽບເຮັດວຽກຂອງ ຄະນະກຳມະການກວດກາສູນກາງພັກຊຸດທີ XIII. ທ່ານປະທານສະພາແຫ່ງຊາດ ເວືອງດິ່ງເຫວ້ ໄດ້ເປັນປະທານວາລະປຶກສາຫາລືດັ່ງກ່າວ.
ຮອດຕອນບ່າຍ, ຄະນະບໍລິຫານງານສູນກາງພັກໄດ້ປຶກສາຫາລືກ່ຽວກັບ ຂໍ້ກຳນົດໃນການປະຕິບັດມະຕິຂອງພັກ; ຮ່າງຂໍ້ກຳນົດກ່ຽວກັບວຽກງານການກວດກາ, ຕິດຕາມ ແລະ ກົດລະບຽບຂອງພັກ.
ຫຼັງຈາກນັ້ນ, ທ່ານນາງ ເຈືອງທິມາຍ, ຫົວໜ້າຄະນະຈັດຕັ້ງສູນກາງພັກ ໄດ້ກ່າວໃບສະເໜີຂອງກົມການເມືອງ ກ່ຽວກັບໂຄງປະກອບການຈັດຕັ້ງກົງຈັກລັດ ແລະ ແບບວິທີແນະນຳບຸກຄະລາກອນເພີ່ມເຕີມ ຮັບຜິດຊອບບາງຕຳແໜ່ງຊີ້ນຳ, ນຳພາອົງການລັດ ຊຸດທີ XV, ອາຍຸການ 2021 – 2026 ກ່ຽວກັບການແນະນຳບຸກຄະລາກອນເພື່ອຮັບດຳລົງຕຳແໜ່ງເປັນຄະນະກຳມະການກວດກາສູນກາງພັກ ຊຸດທີ XIII ໂດຍທ່ານເລຂາທິການໃຫຍ່ ຫງວຽນຝູຈ້ອງ ເປັນປະທານບໍລິຫານ.