ທ່ານປະທານາທິບໍດີ ຢູແກຼນ Volodymyr Zelensky (ພາບ: AFP/TTXVN)

ໃນບົດກ່າວປາໄສຫວ່າງມໍ່ໆມານີ້, ທ່ານປະທານາທິບໍດີ ຢູແກຼນ Volodymyr Zelensky ຢືນຢັນວ່າ, ທ່ານບໍ່ເຂົ້າຮ່ວມການເຈລະຈາກັບຝ່າຍທີ 3 ກ່ຽວກັບແຜນການຢຸດຕິການປະທະກັນລະຫວ່າງ ລັດເຊຍ - ຢູແກຼນ. ນີ້ແມ່ນຄຳເຫັນຂອງທ່ານ Zelensky ຕໍ່ໜ້າຂ່າວທີ່ຖືວ່າ ສະຫະພາບ ເອີລົບ (ອີຢູ), ອາເມລິກາ ແລະ ອັງກິດ ເຊິ່ງຮັບຖືວ່າ ໄດ້ປຶກສາຫາລືກ່ຽວກັບແຜນການສັນຕິພາບໃຫ້ແກ່ ຢູແກຼນ. ທ່ານປະທານາທິບໍດີ Zelensky ຊີ້ແຈ້ງວ່າ, ທ່ານບໍ່ດຳເນີນການເຈລະຈາກ່ຽວກັບແຜນການໃດໆ ແລະ ປະຈຸບັນບໍ່ມີການເຈລະຈາຄືແນວນັ້ນ. ທ່ານເນັ້ນໜັກວ່າ ຢູແກຼນ ຕ້ອງສືບຕໍ່ຮັກສາການພົວພັນຄູ່ຮ່ວມມືກັບທຸກປະເທດ ເອີລົບ ແລະ ບັນດາປະເທດມະຫາອຳນາດໃນໂລກ.

        ນອກນັ້ນ, ທ່ານປະທານາທິບໍດີ Zelensky ກໍ່ຖືວ່າ ຕວກກີ ອາດຈະກາຍເປັນຄົນກາງໄກເກ່ຍໃນບັນດາການເຈລະຈາກ່ຽວກັບການຍົກເລີກການປິດລ້ອມທ່າກ່ຳປັນຂອງ ຢູແກຼນ, ສ້າງເງື່ອນໄຂໃຫ້ແກ່ການສົ່ງອອກທັນຍາຫານ. ທ່ານໃຫ້ຮູ້ວ່າ, ຢູແກຼນ ບໍ່ເຂົ້າຮ່ວມການເຈລະຈາກ່ຽວກັບບັນຫານີ້ຂອງບັນດາເຈົ້າໜ້າທີ່ ລັດເຊຍ ແລະ ຕວກກີ.

        ທ່ານ Zelensky ກໍ່ຢືນຢັນວ່າ Kiev ບໍ່ປ່ຽນແປງເຈດຈຳນົງເຂົ້າເປັນສະມາຊິກ ອີຢູ ແລະ ຂໍ້ຕົກລົງກ່ຽວກັບສຳພັນທະມິດດ້ານການທະຫານ ທີ່ສາມາດບັນລຸໄດ້ກັບ ອັງກິດ ເຊິ່ງແມ່ນສ່ວນໜຶ່ງໃນບັນດາການຮັບປະກັນຄວາມໝັ້ນຄົງຂອງ ຢູແກຼນ.