ຣູມານີ ມອບວັກຊິນ Astra Zeneca 1 ແສນໂດສໃຫ້ແກ່ຫວຽດນາມເປັນຂອງຂວັນ
(VOVWORLD) -ຕອນບ່າຍວັນທີ 14 ກໍລະກົດ, ຢູ່ຮ່າໂນ້ຍ, ທ່ານປະທານປະເທດຫວຽດນາມ ຫງວຽຊວນຟຸກ ໄດ້ມີການເຈລະຈາກັບປະທານາທິບໍດີ ຣູມານີ Klaus Iohannis ເພື່ອແລກປ່ຽນ ບັນດາມາດຕະການລະອຽດ ແນໃສ່ເປີດກ້ວາງ ແລະ ເຮັດໃຫ້ການພົວພັນຮ່ວມມືລະຫວ່າງ 2 ປະເທດເພີ່ມຄວາມເລິກເຊິ່ງຂຶ້ນຕື່ມ.
 ທ່ານປະທານປະເທດຫວຽດນາມ ຫງວຽຊວນຟຸກ |
ການນຳ ທັງ 2 ທ່ານໄດ້ເຫັນດີ ຮັກສາ ແລະ ຊຸກຍູ້ບັນດາກົນໄກແລກປ່ຽນ 2 ຝ່າຍ, ພ້ອມທັງຍູ້ແຮງການຮ່ວມມືໃນບາງຂົງເຂດບຸລິມະສິດຄື ເສດຖະກິດ-ການຄ້າ, ການສຶກສາ-ກໍ່ສ້າງ, ການຮ່ວມມືທາງດ້ານແຮງງານ.
ໂອກາດນີ້, ປະທານາທິບໍດີ ຣູມານີ Klaus Iohannis ໄດ້ແຈ້ງໃຫ້ ທ່ານປະທານປະເທດຫວຽດນາມ ຫງວຽຊວນຟຸກ ຮັບຊາບ ວ່າ ລັດຖະບານ ຣູມານີ ໄດ້ຕົກລົງ ມອບວັກຊິນ Astra Zeneca 1 ແສນໂດສໃຫ້ແກ່ຫວຽດນາມເປັນຂອງຂວັນ ກໍຄືພິຈາລະນາຈະຂາຍວັກຊິນໃຫ້ແກ່ຫວຽດນາມໃນໄລຍະທີ່ຈະມາເຖິງ.
ກ່ຽວກັບການສະໜອງວັກຊິນ ຍັງມີຂ່າວວ່າ : ໃນການເຮັກວຽກທາງອອນລາຍລະຫວ່າງ ທ່ານລັດຖະມົນຕີກະຊວງສາທາລະນະສຸກ ຫງວຽນແທງລອງ ແລະ ທ່ານ John Paul Pullicino ຜູ້ອຳນວຍການໃຫຍ່ ບໍລິສັດ Pfizer ຫວຽດນາມຈຳກັດ, ທາງຝ່າຍບໍລິສັດ ໄດ້ໝັ້ນໝາຍຮັບປະກັນສະໜອງ ວັກຊິນ 20 ລ້ານໂດສໃນໄຕມາດ 4 ປີນີ້ເພື່ອໃຫ້ຫວຽດນາມຜັນຂະຫຍາຍການສັກວັກຊິນຢ່າງທັນການ.