ທ່ານ ຫງວຽນຝຸເກືອງ ສະມາຊິກສະພາແຫ່ງຊາດ ແຂວງ ເກິ່ນເທີ ກ່າວຄຳເຫັນທີ່ກອງປະຊຸມ (ພາບ: TTXVN)

ຕອນເຊົ້າວັນທີ 21 ຕຸລາ, ສະມາຊິກ ເຂົ້າຮ່ວມກອງປະຊຸມສະໄໝສາມັນເທື່ອທີ 2, ສະພາແຫ່ງຊາດ ຫວຽດນາມ ຊຸດທີ XV ໄດ້ປຶກສາຫາລືຢູ່ຕາມກຸ່ມ ກ່ຽວກັບຫຼາຍເນື້ອໃນ, ໃນນັ້ນມີໝາກຜົນຂອງການປະຕິບັດແຜນການພັດທະນາເສດຖະກິດ - ສັງຄົມ ປີ 2021, ຄາດຄະເນແຜນການພັດທະນາເສດຖະກິດ - ສັງຄົມ ປີ 2022, ບົດລາຍງານກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ - 19 ແລະ ສະພາບການປະຕິບັດມະຕິເລກທີ 30/2021/ ຂອງສະພາແຫ່ງຊາດຊຸດທີ15 ກ່ຽວກັບກອງປະຊຸມສະໄໝສາມັນຄັ້ງປະຖົມມະເລິກ ຂອງ ສະພາແຫ່ງຊາດ ຊຸດທີ XV. ທີ່ວາລະປຶກສາຫາລື, ມີສະມາຊິກຫຼາຍທ່ານໄດ້ໃຫ້ຂໍ້ສັງເກດວ່າ ຍ້ອນຜົນກະທົບຈາກໂລກລະບາດໂຄວິດ - 19 ເສດຖະກິດ ຫວຽດນາມ ໄດ້ຮັບຜົນກະທົບຢ່າງໜັກໜ່ວງໃນຫຼາຍດ້ານ. ເຖິງຢ່າງໃດກໍ່ຕາມ, ເສດຖະກິດໃນໄຕມາດທີ III ແລະ ໃນ 9 ເດືອນຜ່ານມາ ຍັງມີຫຼາຍຈຸດພົ້ນເດັ່ນ. ທ່ານ ຮ່ວາງວັນເກືອງ, ສະມາຊິກສະພາແຫ່ງຊາດນະຄອນ ຮ່າໂນ້ຍ ໃຫ້ຮູ້ວ່າ:

ຂະແໜງກະສິກຳແມ່ນຂະແໜງໜຶ່ງດຽວ ທີ່ມີການເຕີບໂຕເປັນບວກໃນ ໄຕມາດທີ 3. ດັ່ງນັ້ນ, ພວກເຮົາຕ້ອງເບິ່ງຄືນ ບັນຫາພັດທະນາກະສິກຳ. ທີ 2 ແມ່ນການປະກອບສ່ວນເປັນຢ່າງດີ ຂອງ ຂະແໜງການສົ່ງອອກ. ໃນ 9 ເດືອນຜ່ານມາ, ວົງເງິນການສົ່ງອອກຍັງມີການເຕີບໂຕກ່ວາ 10%. ດ້ວຍພື້ນຖານເສດຖະກິດເປີດຄື ຫວຽດນາມ ຕ້ອງໃຫ້ບູລິມະສິດແກ່ການສົ່ງອອກ. ຕໍ່ຈາກນີ້ແມ່ນໃນໄລຍະຟື້ນຟູ, ພວກເຮົາກໍ່ຄວນໃຫ້ບຸລິມະສິດ ແກ່ຂະແໜງ, ປະເພດສິນຄ້າສົ່ງອອກ ທີ່ອາດຈະເປັນທ່າແຮງ.

ສະມາຊິກສະພາແຫ່ງຊາດ ກໍ່ຕີລາຄາວ່າ ການປ້ອງກັນຕ້ານໂລກລະບາດໂຄວິດ - 19 ໃນໄລຍະຜ່ານມາ, ເຖິງວ່າ ມີບາງທ້ອງຖິ່ນ ຍັງບໍ່ມີໄຫວພິບກໍ່ຕາມ, ແຕ່ຈຸດພົ້ນເດັ່ນທີ່ສຳຄັນ ແມ່ນ ຫວຽດນາມ ໄດ້ປະສົບຜົນສຳເລັດຫຼາຍທີ່ສຸດໃນບັນຫາ ວັກຊິນ.