(VOVWORLD) -ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະຫນາຢາກສືບຕໍ່ເຮັດໃຫ້ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ເລິກເຊິ່ງຂຶ້ນຕື່ມ, ໃນນັ້ນ ການຮ່ວມມືດ້ານເສດຖະກິດ ການຄ້າ ການລົງທຶນ ແມ່ນເສົາຄ້ຳ, ແມ່ນກຳລັງຫນູນຢ່າງແຮງໃນການພົວພັນລະຫວ່າງສອງປະເທດ ທີ່ພວມມີຄວາມບົ່ມຊ້ອນອັນໃຫຍ່ຫລວງ.
 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນໃນການຕ້ອນຮັບຄະນະນັກທຸລະກິດ ສະພາທຸລະກິດ ອາເມລິກາ - ອາຊຽນ (ພາບ: TTXVN) |
ຕອນບ່າຍວັນທີ 8 ມີນາ, ກ່າວຄຳເຫັນທີ່ການຕ້ອນຮັບຄະນະນັກທຸລະກິດ ສະພາທຸລະກິດ ອາເມລິກາ -ອາຊຽນ (USABC), ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ: ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະຫນາຢາກສືບຕໍ່ເຮັດໃຫ້ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ເລິກເຊິ່ງຂຶ້ນຕື່ມ, ໃນນັ້ນ ການຮ່ວມມືດ້ານເສດຖະກິດ ການຄ້າ ການລົງທຶນ ແມ່ນເສົາຄ້ຳ, ແມ່ນກຳລັງຫນູນຢ່າງແຮງໃນການພົວພັນລະຫວ່າງສອງປະເທດ ທີ່ພວມມີຄວາມບົ່ມຊ້ອນອັນໃຫຍ່ຫລວງ. ທ່ານ ນາຍົກລັດຖະມົນຕີ ຢືນຢັນ: ຫວຽດນາມ ຍາມໃດກໍ່ຮັບຟັງຄຳເຫັນ, ຄຳແບ່ງປັນ, ການຮ່ວມເດີນທາງ ແລະ ພວມສືບຕໍ່ຜັນຂະຫຍາຍຫລາຍມາດຕະມການ ເພື່ອແນໃສ່ແກ້ໄຂຄວາມຫຍຸ້ງຍາກ, ຫນູນຊ່ວຍ, ສ້າງເງື່ອນໄຂສະດວກທີ່ສຸດ, ຮັບປະກັນນະໂຍບາຍມະຫາພາກໃຫ້ມີສະຖຽນລະພາບ ແລະ ປະຕິບັດການປະຕິຮູບລະບຽບການບໍລິຫານຢ່າງມີປະສິດທິຜົນ ເພື່ອໃຫ້ນັກລົງທຶນຕ່າງປະເທດ, ໃນນັ້ນມີວິສາຫະກິດ ອາເມລິກາ ສືບຕໍ່ດຳເນີນທຸລະກິດຢ່າງມີສະຖຽນລະພາບ, ຍາວນານຢູ່ ຫວຽດນາມ.
ທ່ານນາຍົກລັດຖະມົນຕີ ສະເໜີໃຫ້ຝ່າຍ ອາເມລິກາ ສ້າງເງື່ອນໄຂສະດວກໃຫ້ຜະລິດຕະພັນກະເສດຂອງ ຫວຽດນາມ ໄດ້ສຳຜັດກັບຕະຫຼາດຢ່າງສະດວກ, ຫຼີກລ້ຽງມາດຕະການປ້ອງກັນການຄ້າ ທີ່ອາດຈະສົ່ງຜົນເສຍຫາຍຕໍ່ປະຊາຊົນ ຫວຽດນາມ ແລະ ຜູ້ບໍລິໂພກ ອາເມລິກາ; ສືບຕໍ່ໜູນຊ່ວຍ ຢຸກຢາ, ວັກຊິນ ແລະ ຍົກສູງກຳລັງຄວາມສາມາດດ້ານການແພດໃຫ້ແກ່ ຫວຽດນາມ.
ບັນດາວິສາຫະກິດ USABC ກໍ່ໄດ້ຢັ້ງຢືນຄວາມປາດຖະໜາຢາກເພີ່ມທະວີການຮ່ວມມື, ດຳເນີນທຸລະກິດຢູ່ ຫວຽດນາມ, ພິເສດໃນຂົງເຂດ ຫັນປ່ຽນພະລັງງານ, ຫຼຸດຜ່ອນອາຍພິດກາກບອນ; ຫັນເປັນດີຈີຕອນ; ວັກຊິນ ແລະ ຢາປິ່ນປົວພະຍາດໂຄວິດ - 19, ຍົກສູງກຳລັງຄວາມສາມາດດ້ານການແພດໃຫ້ແກ່ ຫວຽດນາມ, ຄວາມສາມາດຮັບມືກັບໂລກລະບາດ; logistics.