(vovworld) - ຕອນເຊົ້າວັນທີ 26/02, ທ່ານຫົວໜ້າຄະນະເຈລະຈາລັດຖະບານຊີຣີ ເຂົ້າຮ່ວມການເຈລະຈາສັນຕິພາບຢູ່ເຊີແນວ Bashar al Jaafari ໄດ້ຮຽກຮ້ອງໃຫ້ບັນດາຝ່າຍທີ່ເຂົ້າຮ່ວມການເຈລະຈາກ່າວປະນາມເຫດການບຸກໂຈມຕີກໍ່ການຮ້າຍຢູ່ Homs. ກ່າວຄຳເຫັນພາຍຫຼັງການພົບປະກັບທູດພິເສດສະຫະປະຊາຊາດທ່ານ Staffan de Mistura, ທ່ານ Jaafari ຢືນຢັນວ່າ, ເຫດການຢູ່ Homs ໄດ້ສ້າງຄວາມມືດມົວຕໍ່ຮອບເຈລະຈາສັນຕິພາບຢູ່ເຊີແນວ ແລະ ນີ້ບໍ່ພຽງແຕ່ແມ່ນການກະທຳກໍ່ການຮ້າຍເທົ່ານັ້ນ, ຫາກຍັງແມ່ນເຫດບຸກໂຈມຕີດ້ານການເມືອງອີກດ້ວຍ. ສ່ວນທ່ານ Staffan de Mistura ກໍ່ຖະແຫຼງ ກ່າວປະນາມເຫດບຸກໂຈມຕີຢູ່ Homs ແມ່ນກົນອຸບາຍເຮັດໃຫ້ການເຈລະຈາສັນຕິພາບຢູ່ເຊີແນວ ຫັນໄປສູ່ທິດອື່ນ ແລະ ໃຫ້ຄຳໝັ້ນສັນຍາວິວັດທະນາການການເມືອງຢູ່ຊີຣີ ມີຜົນປະໂຫຍດ ເມື່ອບໍ່ປະໃຫ້ບັນດາກົນອຸບາຍນັ້ນບັນລຸຜົນສຳເລັດ.