ນາຍົກລັດຖະມົນຕີ Shinzo Abe ​ ພາບ:internet

(vovworld) - ວັນ​ທີ 22/3, ລັດຖະບານ​ຂອງ​ນາຍົກລັດຖະມົນຕີ Shinzo Abe ​ໄດ້​ສະ​ເຫ​ນີອຳນາດ​ການ​ປົກຄອງ​ແຂວງ Okinawa ​​ອະນຸມັດ​ເນື້ອ​ທີ່​ດິນ​ໃຫ້​ແກ່​ເລື່ອງ​ຕັ້ງ​ຖານ​ທີ່​ໝັ້ນ​ການ​ທະຫານ​ອາ​ເມ​ລິ​ກາ​ຄືນ​ໃຫມ່ ​ໂດຍ​ບໍ່​ຫົວຊາ​ຕໍ່​ການ​ຄັດຄ້ານ​ຂອງ​ທ້ອງ​ຖິ່ນ​ນີ້. ຄຳ​ສະ​ເຫ​ນີດັ່ງກ່າວ​ໂດຍ​ລັດຖະບານ​ຍີ່​ປຸ່ນ ຍົກ​ອອກ​ມາ​ ພາຍຫລັງ​ການ​ຢ້ຽມຢາມ ວໍ​ຊິງ​ຕັນ​ໃນ​ເດືອນ​ກ່ອນ​ຂອງ​ທ່ານ​ນາຍົກລັດ​ຖະມົນຕີ ຍີ່​ປຸ່ນ Shinzo Abe, ​ໃນ​ນັ້ນ​ສອງ​ຝ່າຍ​ເຫັນ​ດີ​ຈະ​ຊຸກຍູ້​ການ​ຕັ້ງ​ຖານ​ທີ່​ໝັ້ນ​ກອງທັບ​ອາກາດ Futenma ຄືນ​ໃຫມ່. ​ເຖິງ​ຢ່າງ​ກໍ​ຕາມ ວິວັດ​ການ​ຕັ້ງ​ຖານ​ທີ່​ໝັ້ນ​ດັ່ງກ່າວ​ຖືກທ່ານ Hirokazu Nakaima, ​​ເຈົ້າ​ແຂວງ​ແຂວງ Okinawa ພ້ອມ​ກັບ​ການ​ນຳ​ຫລາຍ​ທ່ານ ​ແລະ ຊາວ​ທ້ອງ​ຖິ່ນ ຄັດຄ້ານ. ກ່າວ​ຄຳ​ເຫັນ​ຕໍ່​ວົງ​ການ​ນັກຂ່າວ, ທ່ານ​ນາຍົກລັດຖະມົນຕີ ຍີ່​ປຸ່ນ Shinzo Abe ຢືນຢັນ​ວ່າ: ຈະ​ມາ​ນະພະ​ຍາ​ຍາມ​ຈົນ​ສຸດ​ຄວາມ​ສາມາດ​ຂອງ​ຕົນ​ເພື່ອ​ຫລຸດຜ່ອນ​ຄວາມຜົນ​ສະທ້ອນ​ໃຫ້​ແກ່​ແຂວງ Okinawa ​ໃນ​ການຈັດ​ວາງ​ບັນດາ​ຮາກ​ຖານ​ຂອງ​ກອງທັບ​ອາ​ເມ​ລິ​ກາ.