(vovworld) - ຕອນບ່າຍວັນທີ 26/04, ເມື່ອແຈ້ງຂ່າວໃຫ້ບັນດາອົງການສື່ມວນຊົນຊາບກ່ຽວກັບເນື້ອໃນຂອງກອງປະຊຸມປະຈຳເດືອນ 4 ຂອງລັດຖະບານ, ທ່ານລັດຖະມົນຕີຫົວໜ້າຫ້ອງວ່າການລັດຖະບານ ຫວູດຶກດາມ ຢືນຢັນວ່າ ເຖິງວ່າເສດຖະກິດໂລກ ແລະ ພາຍໃນປະເທດພວມປະສົບກັບຄວາມຫຍຸ້ງຍາກກໍຕາມ ແຕ່ລັດຖະບານຢັງຄົງຢືດໝັ້ນ ມານະພະຍາຍາມສຳເລັດບັນດາຄາດໝາຍພັດທະນາເສດຖະກິດສັງຄົມປີ 2013. ແລະກໍຕາມທ່ານລັດຖະມົນຕີ ຫວູດຶກດາມ ແລ້ວ, ລັດຖະບານຍັງໃຫ້ບຸລິມະສິດສຳລັບບັນດາໂຄງການພື້ນຖານໂຄງລ່າງທີ່ຈຳເປັນ ເພື່ອຮັບໃຊ້ໃຫ້ແກ່ການພັດທະນາເສດຖະກິດສັງຄົມ ແລະ ບັນດາໂຄງການຮັບປະກັນຊີວິດສັງຄົມຄື ກໍ່ສ້າງໂຮງໝໍໃໝ່ເພື່ອຫຼຸດຜ່ອນສະພາບຂາດຮາກຖານກວດ, ປິ່ນປົວພະຍາດ, ເບິ່ງແຍງສຸຂະພາບໃຫ້ແກ່ປະຊາຊົນ. ກ່ຽວຂ້ອງເຖິງບັນຫາແກ້ໄຂໜີ້ເສຍ, ທ່ານລັດຖະມົນຕີ ຫວູດຶກດາມ ໃຫ້ຮູ້ວ່າ: ໃນ 2 – 3 ມືໄກ້ໆນີ້, ລັດຖະບານຈະພິຈາລະນາຮັບຮອງເອົາດຳລັດສ້າງຕັ້ງບໍລິສັດແກ້ໄຂໜີ້ເສຍ. ແຕ່ວ່າ ວິສາຫະກິດດັ່ງກ່າວພຽງແມ່ນໜຶ່ງໃນບັນດາມາດຕະການແກ້ໄຂໜີ້ເສຍຄຽງຂ້າງນັ້ນຍັງມີບັນດາກະຊວງ, ຂະແໜງການ, ທະນາຄານແຫ່ງລັດ ແລະ ບັນດາອົງການສິນເຊື່ອ.