ລັດຖະບານຫວຽດນາມຕັດສິນໃຈຍູ້ການສໍ້ລາດບັງຫຼວງໃຫ້ຖອຍໄປ
ທ່ານປະທານປະເທດ ເຈືອງເຕີນຊາງ ພົບປະກັບຜູ້ມີສິດເລືອກຕັ້ງນະຄອນ ໂຮ່ຈີມິນ
(ພາບ: Nguyễn Khang/TTXVN)
(vovworld) – ວັນທີ 3/12, ທ່ານປະທານປະເທດ ເຈືອງເຕີນຊາງ ພ້ອມກັບບັນດາສະມາຊິກສະພາແຫ່ງຊາດ ສືບຕໍ່ລາຍການພົບປະກັບຜູ້ມີສິດເລືອກຕັ້ງນະຄອນ ໂຮ່ຈີມິນ, ລາຍງານໝາກຜົນກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຫວຽດນາມ ຊຸດທີ 13… ນະທີ່ນີ້, ບັນດາຜູ້ມີສິດເລືອກຕັ້ງໄດ້ສະເໜີ, ຊັກຖາມກ່ຽວກັບບັນຫາຕ່າງໆຄື: ວຽກງານປ້ອງກັນ, ຕ້ານສໍ້ລາດບັງຫຼວງ, ການຕິດຕາມກວດກາການເຄື່ອນໄຫວຂອງບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດ, ສິ່ງທີ່ຍັງຄົງຄ້າງໃນຂົງເຂດສຶກສາ, ບຳລຸງສ້າງ, ສາທາລະນະສຸກ, ລາຄາໃຊ້ສອຍເພີ່ມຂຶ້ນສູງ, ເງິນເດືອນ ແລະ ລາຍຮັບຂອງລັດຖະກອນ, ຜູ້ອອກແຮງງານ...
ກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງ, ທ່ານປະທານປະເທດ ເຈືອງເຕີນຊາງ ໃຫ້ຮູ້ວ່າ:
“ໄລຍະຜ່ານມາ, ຄະນະຊີ້ນຳປ້ອງກັນ, ຕ້ານການສໍ້ລາດບັງຫຼວງສູນກາງ ໄດ້ຮັບການ, ປັບປຸງ ແລະ ເລີ່ມເຄື່ອນໄຫວຢ່າງແຮງ, ຊຸກຍູ້ການ, ແກ້ໄຂບັນດາກໍລະນີທີ່ຍັງຄົງຄ້າງ, ສົມທົບກັບການກວດກາ, ພົບເຫັນຢ່າງຕັ້ງໜ້າ. ພວກຂ້າພະເຈົ້າຫວັງວ່າ: ຜູ້ມີສິດເລືອກຕັ້ງຈະຕິດຕາມກວດກາ, ສືບຕໍ່ເສີມຂະຫຍາຍສິດຊັກຖາມເພື່ອໃຫ້ທຸກໆວຽກງານຕ້ອງກະຈ່າງແຈ້ງ, ໂປ່ງໃສ. ບັນດາກໍລະນີຖືກພິພາກສາຕ້ອງປະຕິບັດຢ່າງເຂັ້ມງວດ, ຖືກຕ້ອງຕາມກົດໝາຍ”
ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ພົບປະກັບຜູ້ມີສິດເລືອກຕັ້ງເມືອງ ນົງເຊີນ, ແຂວງ ກວາງນາມ. ນະທີ່ນີ້, ຜູ້ມີສິດເລືອກຕັ້ງເມືອງ ນົງເຊີນ ສະເໜີໃຫ້ສະພາແຫ່ງຊາດ, ລັດຖະບານເອົາໃຈໃສ່ລົງທຶນກໍ່ສ້າງລະບົບຄົມມະນາຄົມເຊື່ອມຕໍ່ເຂດ, ສ້າງເງື່ອນໄຂໃຫ້ເມືອງໃໝ່ພັດທະນາ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຖືວ່າ: ພັກ, ລັດ ຍາມໃດກໍ່ເອົາໃສ່ໃສ່ເຖິງຊີວິດການເປັນຢູ່ຂອງປະຊາຊົນເຂດປະສົບກັບຄວາມຫຍຸ້ງຍາກ, ເຂດຖືກໄພພິບັດທຳມະຊາດ, ໃນນັ້ນມີເມືອງນົງເຊີນ, ແຂວງ ກວາງນາມ.
“ບັນດາໄພທຳມະຊາດ, ໄພພິບັດ, ບັນຫາພື້ນຖານໂຄງລ່າງ, ກິດຈະກຳຊົນລະປະທານ, ບັນດາບັນຫາກ່ຽວຂ້ອງເຖິງຊີວິດການເປັນຢູ່ຂອງປະຊາຊົນ, ເຖິງວຽກງານລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກ ພວກເຮົາຈະສືບຕໍ່ເອົາໃຈໃສ່ແກ້ໄຂໃນໄລຍະຈະມາເຖິງຢ່າງໝັ້ນຄົງກ່ວາ. ແຂວງ, ເມືອງສືບຕໍ່ເອົາໃຈໃສ່ເຖິງບັນດາຕາແສງຍັງປະສົບກັບຄວາມຫຍຸ້ງຍາກ”
ແລະກໍ່ໃນຕອນເຊົ້າວັນທີ 3/12, ທ່ານ ຫງວຽນບ໋າແທງ, ຫົວໜ້າຄະນະວຽກງານພາຍໃນສູນກາງ ແລະ ຄະນະ ສສຊ ນະຄອນ ດ່າໜັງ ໄດ້ພົບປະກັບຜູ້ມີສິດເລືອກຕັ້ງເມືອງ ຮ່ວາວາງ, ນະຄອນ ດ່າໜັງ.