(vovworld) - ​ໂດຍ​ອີງ​ຕາມ​ຄວາມ​ມານະ​ພະຍາຍາມ​ຂອງ​ອຳນາດ​ການ​ປົກຄອງ Barack Obama ​ເພື່ອ​ຊຸກຍູ້​ຂະ​ບວນການ​ສັນຕິພາບ​ລະຫວ່າງ​ຊາວ ອິດສຣາ​ແອນ ​ແລະ ປາ​ແລດ​ສຕິນ, ວັນ​ທີ 1/1, ທ່ານລັດຖະມົນຕີການ​ຕ່າງປະ​ເທດ ອາ​ເມ​ລິ​ກາ John Kerry ​ໄດ້​ເລີ່​ມຕົ້ນການ​ເດີນທາງ​ໄປ​ປະຕິບັດ​ງານຢູ່ເຂດ​ຕາ​ເວັນ​ອອກ​ກາງ. ນີ້​ແມ່ນ​ເທື່ອ​ທີ 10 ທີ່ ຜູ້ນຳ​ກະຊວງ​ການຕ່າງປະ​ເທດ ອາ​ເມ​ລິ​ກາ ​​ໄດ້ມາເຂດ​ນີ້​ເຊີ່ງ​ເປັນ​ເຂດ​ທີ່​ຍັງ​ເຕັມ​ໄປ​ດ້ວຍ​ຄວາມຂາດ​ສະຖຽນລະ​ພາບໃນ​ໜຶ່ງປີຜ່ານມາ​ນັບ​ແຕ່​​ເມື່ອ​ທ່ານ  Kerry ດຳລົງຕຳ​ແໜ່ງ​ເປັນລັດຖະມົນຕີການ​ຕ່າງປະ​ເທດ ອາ​ເມ​ລິ​ກາ​ໃນຕົ້ນປີ 2013.

       ທ່ານ ລັດຖະມົນຕີການ​ຕ່າງປະ​ເທດ John Kerry ມີ​ການ​ພົບ​ປະ​ກັບ​ທ່ານ​ນາ​ຍົກ​ລັດຖະມົນຕີ ອິດສຣາ​ແອນ Benjamin Netanyahu ທີ່ Jerusalem ​ເມື່ອ​ວັນທີ 2/1, ຫຼັງຈາກ​ນັ້ນ​ຈະ​ມາຢາມນະຄອນ Ramallah ຢູ່​ເຂດ​ຝັ່ງ​ຕາ​ເວັນ​ຕົກ​​ແມ່ນ້ຳຈໍ​ແດນ​ເພື່ອ​ພົບ​ປະ​ກັບ​ທ່ານ​ປະທານາທິບໍດີ ປາ​ແລ​ດສຕິນ Mahmuod Abbas. ​ໃນ​ການ​ພົບ​ປະຄັ້ງນີ້, ທ່ານລັດຖະມົນຕີການ​ຕ່າງປະ​ເທດ John Kerry ຈະ​ແຈ້ງ​​ໃຫ້​ບັນດາ​ຜູ້ນຳ ອິດສຣາ​ແອນ ​ແລະ ປາ​ດແລ​ສຕິນ ຮັບ​ຊາບກ່ຽວກັບ​ຮ່າງ​ສັນຍາ​ສັນຕິພາບ​ສະບັບສຸດ​ທ້າ​ຍລະຫວ່າງ ອິດສຣາ​ແອນ ​ແລະ ປາ​ແລ​ດສຕິນ, ​ໃນ​ນັ້ນລວມມີ​ບັນດາ​ຈຸດສຳຄັນ​ເຊີ່ງຍັງ​​ເປັນ​ການໂຕ້​ຖຽງກັນ​ຄື​ບັນດາ​ເສັ້ນ​ຊາຍ​ແດນ, ຂໍ້​ກຳນົດກົດ​ລະບຽບສຳລັບ​ນະຄອນ Jerusalem, ​​ ​ຊາຕາ​ກຳຂອງ​ຊາວ​ອົບ​ພະຍົບ ປາ​ແລ​ດສຕິນ ຢູ່​ເຂດ​ດິນ​ຕ່າງໆ​ໂດຍ ອິດສຣາ​ແອນ ຢຶດຄອງ ​ແລະ ກົນ​ໄກ​ປ້ອງ​ກັນຄວາມ​ສະຫງົບ​ສຳລັບ​ເຂດ​ຝັ່ງ​ຕາ​ເວັນ​ຕົກ​ແມ່ນ້ຳຈໍ​ແດນ (West Bank) ພາຍຫຼັງສ້າງຕັ້ງລັດ ປາ​ແລ​ດສຕິນ ​ເອກະລາດ.