ທ່ານປະທານປະເທດເຈືອງເຕີນຊາງຕ້ອນຮັບທ່ານ Fumio Kishida
(ພາບ: vtv)
(vovworld)- ທີ່ການຕ້ອນຮັບທ່ານ Fumio Kishida ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ ເມື່ອຕອນບ່າຍວັນທີ 1/8, ທ່ານປະທານປະເທດເຈືອງເຕີນຊາງ ສະແດງຄວາມຂອບອົກຂອບໃຈຍີ່ປຸ່ນ ທີ່ໄດ້ຊ່ວຍເຫຼືອຫວຽດນາມ ພັດທະນາເສດຖະກິດໃນຫຼາຍປີຜ່ານມາ; ທ່ານຢັ້ງຢືນວ່າຍາມໃດຫວຽດນາມ ກໍ່ສະໜັບສະນູນຍີ່ປຸ່ນ ພັດທະນາຢ່າງວັດທະນາຖາວອນເພື່ອການພັດທະນາລວມຂອງທັງພາກພື້ນອາຊີ-ປາຊີຟິກ. ທ່ານປະທານປະເທດເຈືອງເຕີນຊາງ ຖືວ່າ, ສອງປະເທດຕ້ອງຮັກສາການພົບປະຂັ້ນສູງຄັ້ງຕ່າງໆເປັນປະຈຳເພື່ອແລກປ່ຽນກ່ຽວກັບບັນດາບັນຫາພາກພື້ນ ແລະ ສາກົນ. ກ່ຽວກັບດ້ານເສດຖະກິດການຄ້າ, ທ່ານປະທານປະເທດເຈືອງເຕີນຊາງ ໃຫ້ຮູ້ວ່າ, ບັນດາອົງການມີໜ້າທີ່ຮັບຜີດຊອບຫວຽດນາມ ພວມກວດກາຄືນເພື່ອແກ້ໄຂຂໍ້ຕິດຂັດໃຫ້ແກ່ວິສາຫະກິດຍິ່ປຸ່ນ ມາລົງທຶນຢູ່ຫວຽດນາມ.
ແລກປ່ຽນກ່ຽວກັບບັນຫາພາກພື້ນ ແລະ ສາກົນ, ທ່ານລັດຖະມົນຕີ Fumio Kishida ສະແດງຄວາມສະໜັບສະໜູນຂອງຍິ່ປຸ່ນ ຕໍ່ຫຼັກໝັ້ນຂອງຫວຽດນາມ ໃນການແກ້ໄຂຄວາມບໍ່ລົງລອຍກັນໂດຍສັນຕິວິທີບົນພື້ນຖານກົດໝາຍສາກົນ, ໂດຍສະເພາະແມ່ນສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982. ທ່ານ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ ໃຫ້ຮູ້ວ່າ, ຍີ່ປຸ່ນ ຢາກຮ່ວມມືກັບຫວຽດນາມ ໃນຂົງເຂດພະລັງງານ.
ໃນຕອນບ່າຍຂອງວັນດຽວກັນ, ຢູ່ສຳນັກງານລັດຖະບານ, ທ່ານນາຍົກ ລັດຖະມົນຕີຫງວຽນເຕິນຢຸງ ກໍ່ໄດ້ໃຫ້ການຕອ້ນຮັບທ່ານ Fumio Kishida ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ ຊື່ງພວມຢູ່ຢ້ຽມຢາມຫວຽດນາມຢ່າງເປັນທາງການ. ນະທີ່ນີ້, ທ່ານນາຍົກລັດຖະມົນຕີຫງວຽນເຕິນຢຸງ ຢືນຢັນວ່າ, ຫວຽດນາມ ຖືເປັນສຳຄັນທີ່ສຸດ ແລະ ປາດຖະໜາຢາກພ້ອມກັບຍີ່ປຸ່ນ ມານະພະຍາຍາມນຳການພົວພັນສອງປະເທດເຂົ້າສູ່ລວງເລິກ, ແທດຈິງ, ມີປະສິດທິຜົນ ພ້ອມທັງສອງຝ່າຍຍາມໃດກໍ່ວສະໜັບສະໜູນ, ຊ່ວຍເຫຼືອຊື່ງກັນ ແລະ ກັນໃນທຸກຂົງເຂດ.
ທ່ານນາຍົກລັດຖະມົນຕີຫງວຽນເຕິນຢຸງ ສະເໜີໃຫ້ສອງຝ່າຍຊຸກຍູ້ການພົວພັນລະຫວ່າງສອງຝ່າຍໃນທຸກຂົງເຂດຢ່າງແຮງ, ມີປະສິດທິຜົນ ນັບແຕ່ດ້ານການເມືອງ, ການທູດ, ການຮ່ວມມື 2 ຝ່າຍ ຕະຫຼອດຮອດດ້ານເສດຖະກິດ, ການຄ້າ, ການລົງທຶນ, ການຮ່ວມມືພັດທະນາ; ວັດທະນະທຳ, ສັງຄົມ, ການສຶກສາ-ບຳລຸງສ້າງ, ວິທະຍາສາດເຕັກນິກ… ທ່ານນາຍົກລັດຖະມົນຕີຫງວຽນເຕິນຢຸງ ປາດຖະໜາວ່າ, ຍີ່ປຸ່ນ ຈະສືບຕໍ່ຊ່ວຍເຫຼືອຫວຽດນາມ ໃນວິວັດການພັດທະນາ, ໃນນັ້ນມີການໜູນຊ່ວຍແຫຼ່ງທຶນ ODA.
ທ່ານນາຍົກລັດຖະມົນຕີຫງວຽນເຕິນຢຸງ ໃຫ້ຮູ້ວ່າ ຈະສົມທົບກັບຝ່າຍຍີ່ປຸ່ນ ຢ່າງແໜ້ນແຟ້ນ ເພື່ອນຳມະຫາວິທະຍາໄລຫວຽດນາມ-ຍີ່ປຸ່ນ ເຂົ້າເຄື່ອນໄຫວໂດຍໄວ ຊື່ງແມ່ນ 1 ໃນບັນດາສັນຍາລັກແຫ່ງການຮ່ວມມືໃໝ່ລະຫວ່າງສອງປະເທດ ທີ່ທ່ານນາຍົກລັດຖະມົນຕີ ຫວຽດນາມ ຫາກໍ່ເຊັນຂໍ້ຕົກລົງສ້າງຕັ້ງຂຶ້ນ./.