(vovworld) –  ພາຍຫຼັງ​ທ່ານ Donald Trump ໄດ້​ຮັບ​ໄຊ​ຊະ​ນະ​ໃນ​ການ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ອາ​ທິດ​ໜຶ່ງ, ​ວັນ​ທີ 16/11, ທ່ານ John Kerry, ລັດ​ຖະ​ມົນ​ຕີ​ການ​ຕ່າງ​ປະ​ເທດ ອາ​ເມ​ລິ​ກາ ໃຫ້​ຮູ້​ວ່າ ທ່ານ “ເຊື່ອ​ໝັ້ນ​” ວ່າ ບັນ​ດາ​ຄຳ​ໝັ້ນ​ສັນ​ຍາ​ກ່ຽວ​ກັບການ​ປ່​ຽນ​ແປງ​​ຂອງ​ດິນ​ຟ້າອາ​ກາດ​ຂອງ ວໍ​ຊິງ​ຕັນ ​ຈະບໍ່​ປ່ຽນ​ແປງ​ຢ່າງ​ສິ້ນ​ເຊິ່ງ. ກ່າວ​ຄຳ​ເຫັນ​ທີ່ກອງ​ປະ​ຊຸມ​ຄັ້ງ​ທີ 22 ບັນ​ດາ​ຝ່າຍ​ເຂົ້າ​ຮ່ວມ​ສົນ​ທິ​ສັນ​ຍາ​ແມ່​ຂອງ ສ​ປ​ຊ ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ (COP 22) ພວມ​ຖືກ​ຈັດ​ຕັ້ງ​ຢູ່​ນະ​ຄອນ Marrakech, ປະ​ເທດ ມາ​ຣົກ, ທ່ານ​ລັດ​ຖະ​ມົນ​ຕີ​ການ​ຕ່າງ​ປ​ະ​ເທດ ອາ​ເມ​ລິ​ກາ Kerry ໃຫ້​ຮູ້​ວ່າ: ອາ​ເມ​ລິ​ກາ ພວມ​​ພະ​ຍາ​ຍາມ​ເພື່ອບັນ​ລຸ​ບັນ​ດາ​ຈຸ​ດ​ໝາຍ​ຂອງ​ຂໍ້​ຕົກ​ລົງ​ຕ້ານ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ. ທ່ານຢັ້ງ​ຢືນ​ວ່າ ບັນ​ດາ​ກຳ​ລັງ​ການ​ຕະຫຼາດ, ຫາກບໍ່​ແມ່ນ​ທາງ​ດ້ານ​ການ​ເມືອງ ຈະ​ເປັນ​ຜູ້​ຕັດ​ສິນ​ອະ​ນາ​ຄົດ​ພະ​ລັງ​ງານ​ຂອງ​ໂລກ. ຖະ​ແຫຼງ​ການ​ດັ່ງ​ກ່າວ​ຖືກ​ຍົກ​ອອກ​ມາ​​ພາຍຫຼັງ​ທີ່​ທ່ານ Trump, ໃນ​ບັ້ນ​ເຄື່ອນ​ໄຫວ​ຂົນ​ຂວາຍ​ຫາ​ສຽງ​ເລືອກ​ຕັ້ງ​ອາ​ເມ​ລິ​ກາ ຢູ່ ອາ​ເມ​ລິ​ກາ ກ່ອນນັ້ນ, ຖື​ວ່າ ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ​ແມ່ນ “​ການຫຼອກ​ລວງ” ແລະ ໝັ້ນ​ໝາຍ​ຈະ “ລົບ​ລ້າງ” ສັນ​ຍາ​ກ່ຽວ​ກັບ​ດິນ​ຟ້າ​ອາ​ກາດ ປາ​ຣີ ​ເຊິ່ງ​ໄດ້ເຊັນ​ກັ​ນ​ໃນ​ທ້າຍ​ປີ 2015 ເພື່ອ​ແນ​ໃສ່​ຈຳ​ກັດ​ການ​ອູ່ນ​ຂຶ້ນ​ຂອງໜ່ວຍ​ໂລກ.