ການພົບປະເພື່ອແນໃສ່ສ້າງການພົວພັນລະຫວ່າງບັນດາປະເທດ ອາຊຽນ ແລະ ອຳນາດການປົກຄອງຂອງທ່ານປະທານາທິບໍດີ Donald Trump. ບັນດາບັນຫາໄດ້ຮັບການປຶກສາຫາລືລະຫວ່າງ 2 ຝ່າຍລວມມີ: ການຄ້າ, ການຂັດແຍ້ງກັນຢູ່ທະເລຕາເວັນອອກ, ການຄ້າມະນຸດ ແລະ ອາດຊະຍາກຳ.

        ອາເມລິກາ ແລະ ບັນດາປະເທດ ອາຊຽນ ເລີ່ມດຳເນີນບັນດາການພົບປະຂັ້ນສຸດຍອດພາຍໃຕ້ສະໄໝການປົກຄອງຂອງທ່ານປະທານາທິບໍດີ Barack Obama. ການພົບປະຂັ້ນສຸດຍອດຄັ້ງທຳອິດລະຫວ່າງ 2 ຝ່າຍໄດ້ຮັບການຈັດຕັ້ງຢູ່ ອາເມລິກາ ໃນເດືອນ 2 ປີ 2016. ຖະແຫຼງການຮ່ວມຂອງ 2 ຝ່າຍໃນຈຸດເວລານັ້ນ ໄດ້ຢັ້ງຢືນບັນດາຫຼັກຖານການຮ່ວມມືພື້ນຖານລວມມີ: ເຄົາລົບຄວາມເສລີໃນການເດີນທະເລ, ຮັກສາການພັດທະນາເສດຖະກິດແບບຍືນຍົງ ແລະ ຄວາມສະໝ່ຳສະເໝີ, ແບ່ງປັນບັນດາມາດຕະການໃນບັນດາບັນຫາຕ້ານກໍ່ການຮ້າຍ, ການຄ້າມະນຸດ ແລະ ການປ່ຽນແປງຂອງດິນຟ້າອາກາດ.