​(vovworld) – ​ໃນ​ການ​ຢ້ຽມຢາມ​ກຸຍ​ບາ ຂອງ​ທ່ານ​ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ຍີ່ປ​ຸ່ນ Fumio Kishida ​ໄດ້​ມີ​ການ​ພົບ​ປະ​ເຈລະຈາ​ກັບ​ອະດີດ​ຜູ້ນຳ​ກຸຍ​ບາ Fidel Castro ​ແລະ ທ່ານ​ປະທານ​ກຸຍ​ບາ Raul Castro. ທີ່​ການ​ພົບ​ປະ​ເຈລະຈາ​ໃນ​ຕອນ​ບ່າຍ​ວັນ​ທີ 02/05, ຢູ່​​ເຮືອນ​ສ່ວນ​ຕົວ​ຂອງຜູ້​ນຳ​ປະຕິວັດ Fidel Castro, ຖືກ​ດຳ​ເນີນ​ໄປ​ໃນ​ບັນຍາ​ສາດ​ທີ່​ອົບ​ອຸ່ນ, ສຸມ​ໃສ່​ເຂົ້າ​ໃນ​ການ​ພົວພັນ​ລະຫວ່າງ​ຍີ່ປຸ່ນ ​ແລະ ກຸຍ​ບາ ກໍ່ຄື​ບັນດາ​ບັນຫາ​ສາກົນ​ທີ່​ສຳຄັນ. ກ່າວ​ຄຳ​ເຫັນ​ພາຍຫຼັງ​ການ​ພົບ​ປະ, ທ່ານ Kishida ສະ​ແດງ​ຄວາມ​ເຫັນ​ດີ​ເຫັນ​ພ້ອມກັບ​ທັດສະນະ​ກ່ຽວ​ກັບ​ເລື່ອງ​ລົບ​ລ້າງ​ອາວຸດ​ນິວ​ເຄຼຍຂອງ​ຜູ້ນຳ​ກຸຍ​ບາ. ​ທີ່ການ​ພົບ​ປະ​ໃນ​ວັນ​ດຽວ​ກັນ​ກັບ​ທ່ານ Kishida, ທ່ານ​ປະທານ Raul Castro ປາດ​ຖະໜາ​ຢາກ​ເພີ່ມ​ທະວີ​ການ​ພົວພັນ 2 ຝ່າຍ​ກ່ຽວ​ກັບ​ເສດຖະກິດ ​ແລະ ບັນດາ​ຂົງ​ເຂດ​ອື່ນໆ​ກວ່າ​ອີກ. ທ່ານ Kishida ຢືນຢັນ​ວ່າ, ຍີ່ປຸ່ນ​ສະໜັບສະ​ໜູນ​ຄວາມ​ມານະ​ພະຍາຍາມ​ຫັນ​ການ​ພົວພັນ​ລະຫວ່າງ​ກຸຍ​ບາ ​ແລະ ອາ​ເມ​ລິ​ກາ ​ເປັນ​ປົກກະຕິ. ບັນດາ​ເຈົ້າ​ໜ້າ​ທີ່​ຍີ່ປຸ່ນ ​ໃຫ້​ຮູ້​ວ່າ, ທ່ານປະທານ Raul Castro ກໍ່​ສະ​ແດງ​ການ​ພ້ອມ​ແລ​້ວທີ່​ຈະ​ປຶກສາ​ຫາລື​ໃນ​ບໍ່​ວ່າ​ບັນຫາ​ໃດ​ໆກັບ​ອາ​ເມ​ລິ​ກາ, ລວມທັງ​ບັນຫາ​ສິດທິ​ມະນຸດ.