ທ່ານລັດຖະມົນຕີວ່າການກະຊວງຕ່າງປະເທດ
ອາເມລິກາ John Kerry (ພາບ: Telegraph)
(vovworld) - ວັນທີ 3/3, ບັນດາເຈົ້າໜ້າທີ່ ອາເມລິກາໄດ້ແຈ້ງໃຫ້ຮູ້ວ່າ, ບັນດາແຜນການກ່ຽວກັບການຢ້ຽມຢາມ ກູບາຂອງລັດຖະມົນຕີວ່າການກະຊວງຕ່າງປະເທດ ອາເມລິກາ John Kerry ໃນຕົ້ນກາງເດືອນ 3 ເພື່ອເຈລະຈາກ່ຽວກັບບັນຫາສິດທິມະນຸດໄດ້ຖືກຍົກເລີກແລ້ວ. ການກະທຳດັ່ງກ່າວຖືກຍົກອອກມາໃນສະພາບການທີ່ສອງຝ່າຍພວມກະກຽມໃຫ້ແກ່ການຢ້ຽມຢາມ ລາຮາວານ ຂອງປະທານາທິບໍດີ ອາເມລິກາ Barack Obama, ເຊິ່ງຄາດວ່າຈະດຳເນີນໃນລະຫວ່າງວັນທີ 21-22/3. ກ່ອນໜ້ານັ້ນ, ໃນວະລະອະພິປາຍຕໍ່ສະພາແຫ່ງຊາດ ອາເມລິກາ, ວັນທີ 23/2, ທ່ານ John Kerry ໃຫ້ຮູ້ວ່າ, ທ່ານອາດຈະໄປຢ້ຽມຢາມ ກູບາໃນສັບປະດາໜ້າ ເພື່ອຈັດຕັ້ງການເຈລະຈາກ່ຽວກັບສິດທິມະນຸດ, ກ່ອນທີ່ປະທານາທິບໍດີ ອາເມລິກາ Barack Obama ມາຢ້ຽມຢາມປະເທດນີ້ຕາມແຜນການທີ່ໄດ້ວາງອອກ.