ທ່ານຫງວຽນກວກເກືອງ ເອກອັກຄະລັດຖະທູດຫວຽດນາມ ປະຈຳອາເມລິກາ
(ພາບ:vietnamnet.vn)
(vovworld)- ກ່າວຄຳເຫັນທີ່ກອງປະຊຸມຄົບຄະນະສະພາຕ່ຳລັດ Illinois ຫວ່າງແລ້ວນີ້, ທ່ານຫງວຽນກວກເກືອງ ເອກອັກຄະລັດຖະທູດຫວຽດນາມ ປະຈຳອາເມລິກາ ໄດ້ສົ່ງສານມາຍັງທ່ານສະມາຊິກລັດຖະສະພາລັດທັງໝົດ ກ່ຽວກັບແງ່ຫວັງແຫ່ງການພັດທະນາອັນດີງາມໃນສາຍພົວພັນຫວຽດນາມ-ອາເມລິກາ ໂດຍສະເພາະແມ່ນໃນຂົງເຂດຮ່ວມມືດ້ານເສດຖະກິດ-ການຄ້າ ແລະ ການລົງທຶນ, ພິເສດແມ່ນໃນສະພາບການທີ່ຫວຽດນາມ ພ້ອມກັບອາເມລິກາ ແລະ ປະເທດຕ່າງໆພວມຕັ້ງໜ້າດຳເນີນການເຈລະຈາກ່ຽວກັບສັນຍາຄູ່ຮ່ວມມືການຄ້າຂ້າມປາຊີຟິກ (TPP). ສານດັ່ງກ່າວໄດ້ຮັບການຊົມເຊີຍ ແລະ ຕີລາຄາສູງຈາກບັນດາທ່ານສະມາຊິກລັດຖະສະພາ ແລະ ມີຫຼາຍທ່ານໄດ້ໃຫ້ຄຳໝັ້ນສັນຍາຈະສົ່ງເສີມ ແລະ ສະໜັບສະໜູນບັນດາວິສາຫະກິດທີມີຄວາມສົນໃຈຕໍ່ຕະຫຼາດຫວຽດນາມ ທີ່ເຕັມໄປດ້ວຍຄວາມສາມາດບົ່ມຊ້ອນນີ້. ໃນໂອກາດນີ້, ທ່ານເອກອັກຄະລັດຖະທູດຫວຽດນາມ ປະຈຳອາເມລິກາ ຫງວຽນກວກເກືອງ ກໍ່ມີການໂອ້ລົມກັບການນຳ, ສາດສະດາຈານ ແລະ ນັກສຶກສາມະຫາວິທະຍາໄລ Illinois ແລະ ຕອບບັນດາຄຳຖາມກ່ຽວຂ້ອງເຖິງນະໂຍບາຍສ້າງດຸນດ່ຽງຄືນໃໝ່ຂອງອາເມລິກາ ຢູ່ພາກພື້ນອາຊີ-ປາຊີຟິກ ກ່ຽວກັບບັນດາການຜັນແປ່ໃນມໍ່ໆມານີ້ຢູ່ພາກພື້ນ, ໂດຍສະເພາະແມ່ນສະພາບການທະເລຕາເວັນອອກ ແລະ ການພົວພັນລະຫວ່າງອາເມລິກາ-ຫວຽດນາມ.