ທ່ານປະທານາທິບໍດີ ອິນໂດເນເຊຍ Joko Widodo (ພາບ: AFP)

ວັນທີ 8 ພຶດສະພາ ສື່ມວນຊົນພາກພື້ນ ອາຊຽນ ໄດ້ລົງຂ່າວວ່າມີລົດນຳສົ່ງເຈົ້າໜ້າທີ່ອາຊຽນ ຄັນໜຶ່ງຖືກບຸກໂຈມຕີ ໃນວັນທີ 7 ພຶດສະພາ ໃນຂະນະທີ່ພວມດຳເນີນໜ້າທີ່ການໜູນຊ່ວຍມະນຸດສະທຳ ຢູ່ເທດສະບານ Taunggyi, ລັດ Shan, ມຽນມາ. ຕາມນັ້ນແລ້ວ, ລົດທີ່ຖືກບຸກໂຈມຕີແມ່ນພວມນຳສົ່ງບັນດານັກການທູດຂອງສະຖານທູດ ອິນໂດເນເຊຍ ແລະ ສິງກະໂປ ປະຈຳ ມຽນມາ ພ້ອມກັບເຈົ້າໜ້າທີ່ອາຊຽນ ປະສານການເຄື່ອນໄຫວໜູນຊ່ວຍດ້ານມະນຸດສະທຳຈຳນວນໜຶ່ງ. ແຕ່ໂຊກດີທີ່ບໍ່ມີຄວາມເສຍຫາຍທາງດ້ານຊີວິດອິນຊີ. ປັດຈຸບັນ, ຍັງບໍ່ທັນຢັ້ງຢືນໄດ້ວ່າກຸ່ມປະກອບອາວຸດໃດທີ່ດຳເນີນເຫດບຸກໂຈມຕີຄັ້ງນີ້.

ວັນທີ 8 ພຶດສະພາ, ທ່ານປະທານາທິບໍດີ ອິນໂດເນເຊຍ Joko Widodo ໄດ້ກ່າວປະນາມເຫດບຸກໂຈມຕີ, ພ້ອມທັງເນັ້ນໜັກເຖິງຄວາມຕ້ອງການຢ່າງຮີບດ່ວນມຮກ່ຮສ້າງພື້ນທີ່ໃຫ້ແກ່ການໂອ້ລົມສົນທະນາເພື່ອແນໃສ່ຢຸດຕິສະພາບການໃຊ້ຄວາມຮຸນແຮງຢູ່ ມຽນມາ.

ຕາມແຜນການ, ກອງປະຊຸມຂັ້ນສູງ ອາຊຽນ - 42 ຈະດຳເນີນໃນລະຫວ່າງວັນທີ 9 – 11 ພຶດສະພາຢູ່ ອິນໂດເນເຊຍ. ສື່ມວນຊົນພາກພື້ນອາຊຽນ ຖືວ່າ ບັນຫາມຽນມາ, ເປັນຕົ້ນແມ່ນການປະຕິບັດຂໍ້ຕົກລົງ 5 ຂໍ້ຈະແມ່ນຫົວຂໍ້ຮ້ອນເຮັ່ງທີ່ຈະໄດ້ຮັບການປຶກສາຫາລືໃນຂອບເຂດກອງປະຊຸມ.