ທ່ານ Dmistry Peskov ໂຄສົກ ຂອງທ່ານປະທານາທິບໍດີລັດເຊຍ (ພາບ: TASS)

ວັງ Kremlin ສະແດງຄວາມເສຍເດຍ ຕໍ່ການຕັດສິນໃຈ ຍົກເລີກການພົບປະຂອງ ອາເມລິກາ ລະຫວ່າງ ທ່ານປະທານາທິບໍດີ ລັດເຊຍ Vladimir Putin ແລະ ຄູ່ຕໍາແໜ່ງ ອາເມລິກາ Donald Trump  ຢູ່ນອກກອງປະຊຸມສຸດຍອດ ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນ (G20) ຢູ່ ອາກຊັງຕີນ. ນັ້ນແມ່ນຄໍາຖະແຫຼງຂອງ ທ່ານ Dmistry Peskov ໂຄສົກ ຂອງທ່ານປະທານາທິບໍດີລັດເຊຍ ເມື່ອຮູ້ວ່າ ວໍຊິງຕັນ ຕັດສິນໃຈ ຈະບໍ່ດໍາເນີນການພົບປະ ທີ່ໄດ້ຄາດຄະເນໄວ້ລະຫວ່າງ ປະທານາທິບໍດີສອງທ່ານ. ເຖິງຢ່າງໃດກໍຕາມ, ທ່ານ Peskov ເນັ້ນໜັກວ່າ ທ່ານປະທານາທິບໍດີ Putin ຍັງມີຄວາມກຽມພ້ອມຕໍ່ບັນດາການພົບປະຄ້ັງໃໝ່ ກັບທ່ານປະທານາທິບໍດີ Donald Trump. ທ່ານ Peskov ກໍໃຫ້ຮູ້ວ່າ ການພົບປະຂອງການນໍາສອງທ່ານ ບໍ່ຖືກດໍາເນີນ ໝາຍຄວາມວ່າ ການປຶກສາຫາລືກ່ຽວກັບບັນດາບັນຫາສໍາຄັນໃນການພົວພັນສອງຝ່າຍ, ກໍຄື ໃນການພົວພັນສາກົນ ຈະຖືກເລື່ອນໄປ ໂດຍບໍ່ກໍານົດວັນເວລາ.