ທ່ານລັດຖະມົນຕີ ກະຊວງການຕ່າງປະເທດ ລັດເຊຍ Sergei Ryabkov (ພາບ: AFP/ TTXVN)

ວັນທີ 30 ສິງຫາ, ສຳນັກຂ່າວສານ Interfax ໄດ້ຄັດຄຳເວົ້າຂອງທ່ານລັດຖະມົນຕີ ກະຊວງການຕ່າງປະເທດ ລັດເຊຍ Sergei Ryabkov ໂດຍໃຫ້ຮູ້ວ່າ ລັດເຊຍ ແລະອາເມລິກາ ພວມປຶກສາຫາລື ກ່ຽວກັບຄວາມສາມາດຈັດຕັ້ງກອງປະຊຸມຂອງຄະນະກຳມະການປຶກສາຫາລືສອງຝ່າຍ ກ່ຽວກັບສົນທິສັນຍາຫລຸດຜ່ອນ ອາວຸດ ບຸກໂຈມຕີຍຸດທະສາດໃຫມ່ (New START ຫລື ເອີ້ນວ່າ START 3).  ກ່ອນຫນ້ານັ້ນ ໃນວັນດຽວກັນ ໂຄສົກ ວັງ Kremlin  ທ່ານ Dmitry Peskov ໃຫ້ຮູ້ວ່າ: ໄດ້ປະກົດມີສັນຍານໃຫ້ເຫັນວ່າ ການເຈລະຈາກ່ຽວກັບເລື່ອງຕໍ່ກຳນົດເວລາສົນທິສັນຍາ New START ອາດຈະສາມາດເຊື່ອມຕໍ່ຄືນໃຫມ່.

ລັດເຊຍ ແລະອາເມລິກາ ລົງນາມໃນສົນທິສັນຍາດັ່ງກ່າວ ເມື່ອປີ 2010. ເດືອນ ກຸມພາປີ 2021, ສອງຝ່າຍໄດ້ຕໍ່ກຳນົດເວລາສົນທິສັນຍານີ້ອີກ 5 ປີ, ຮອດວັນທີ 5 ກຸມພາປີ 2026. ຕົ້ນເດືອນນີ້ ວັງ Kremlin ໄດ້ແຈ້ງໃຫ້ ອາເມລິກາ ຊາບວ່າ ໄລຍະເວລາດຳເນີນການເຈລະຈາສົນທິສັນຍາປ່ຽນແທນ New START ພວມໃກ້ຈະໝົດແລ້ວ ແລະ ຖ້າຫາກສົນທິສັນຍາສະບັບນີ້ໝົດຜົນສັກສິດເມື່ອປີ 2023 ຫາກບໍ່ມີສົນທິສັນຍາປ່ຽນແທນ ຄວາມສະຫງົບປອດໄພທົ່ວໂລກຈະຊຸດໂຊມ.