(vovworld) -  ວັນ​ທີ 27/03, ລັດຖະມົນຕີ​ການ​ຕ່າງປະ​ເທດ​ລັດ​ເຊຍ ​ໄດ້​ອອກສຽງຕຳ​ນິຕິ​ຕຽນຖະ​ແຫຼ​ງການ​ຂອງ​ສະຫະພັນ​ອາຣັບ (AL) ກ່ຽວ​ກັບ​ຊີຣີ ກໍ​ຄື​ຕົກລົງ​ມອບທີ​່ນັ່ງ​ໃຫ້​ແກ່​ອົງການ​ນີ້​ໃຫ້​ແກ່​ຝ່າຍ​ຄ້ານສຳພັນ​ທະ​ມິດຊົນ​ຊາດ​ຊີຣີ (SNC). ​ໂຄສົກ​ກະຊວງ​ການ​ຕ່າງປະ​ເທດ​ລັດ​ເຊຍ ທ່ານ Alexander Lukashevich, ​ໄດ​້​ເນັ້ນ​ໜັກ​ວ່າ ​ເລື່ອງ AL ຮັບຮອງ​ເອົາ​ບັນດາ​ຂໍ້​ຕົກລົງ​ກ່ຽວ​ກັບ​ຊີຣີ ​ແມ່ນ​ໄປ​ຝືນ​ກັບ​ພາລະ​ກຳ​ສັນຕິພາບ​ຂອງ​ທູດ​ພິ​ເສດ​ລວມຂອງສະຫະ​ປະຊາ​ຊາດ ​ແລະ AL ​ແມ່ນ​ທ່ານ Lahdar Brahimi. ພ້ອມ​ກັນ​ນັ້ນ, ລັດຖະມົນຕີ​ການ​ຕ່າງປະ​ເທດ​ລັດ​ເຊຍ ​ໄດ້​ຖື​ວ່າ ຕາມ​ກົດໝາຍ​ສາກົນ, ບັນດາ​ຂໍ້​ຕົກລົງ​ຂອງ AL ກ່ຽວ​ກັບ​ຊີຣີ ​ແມ່ນ​ບໍ່​ຖືກ​ຕາມ​ກົດໝາຍ ​ແລະ ບໍ່​ສາມາດ​ແກ້ຄວາມ​ໄດ້ ​ຍ້ອນ​ລັດຖະບານ​ຂອງ ຊີຣີ ກ່ອນ​ນີ້ ​ແລະ ປະຈຸ​ບັນ​ພວມ​ແມ່ນ​ຜູ້​ຕາງໜ້າ​ຖືກ​ຕາມ​ກົດໝາຍ​ຂອງ​ລັດ​ຊີຣີ ຊຶ່ງ​ແມ່ນສະມາຊິກ​ຂອງ​ສະຫະ​ປະຊາ​ຊາດ. ລັດ​ເຊຍ​ໄດ້​ເຊື່ອ​ໝັ້ນ​ຢ່າງ​ແນວ​ແນ່​ວ່າ ພຽງ​ແຕ່​ມາດ​ຕະການ​ແກ້​ໄຂ​ດ້ານ​ການ​ເມືອງ​ຈຶ່ງ​ປະກອບສ່ວນ​ຢຸດຕິ​ການ​ໃຊ້​ຄວາມ​ຮຸນ​ແຮງ, ຮັບປະກັນ​ຄວາມ​ສະຫງົບ​ປອດ​ໄພ ​ແລະ ສັນຕິ​ພາບ​ໃຫ້​ປະຊາຊົນ​ຊີຣີ ທຸກຄົນ.

        ​ແລະ​ກໍ​ໃນ​ວັນ​ດຽວ​ກັນ, ກະຊວງ​ການ​ຕ່າງປະ​ເທດ​ອີຣານ ​ໄດ້​ຕຳ​ນິ​ຕິຕຽນການ​ມອບ​ທີ​ນັ່ງ​ສະມາຊິກ​​ຂອງ AL ​ໃຫ້​ແກ່ SNC ​ແມ່ນ “ຄວາມ​ເປັນ​ອັນຕະລາຍ”. ຕາມທ່ານ Ali Akbar Salehi ລັດຖະມົນຕີ​ການ​ຕ່າງປະ​ເທດ​ນີ້​ແລ້ວ “ຄວາມ​ຜິດ​ພາດ​ໄດ້​ເກີດ​ຂຶ້ນ​ຢ່າງ​ຕໍ່​ເນື່ອງຄື​ແນວ​ນັ້ນ​ ພຽງ​ແຕ່​ເຮັດ​ໃຫ້​ສະພາບ​ການຍິ່ງ​ຮ້າຍ​ແຮງ​ຂຶ້ນ​ຕື່ມ”.