ສຳນັກຂ່າວສານ TASS ຂອງລັດເຊຍ ໄດ້ໃຫ້ຂ່າວວ່າ: ວັນທີ 3 ກໍລະກົດ, ທ່ານ Sergei Kislyak, ເອກອັກຄະລັດຖະທູດຂອງປະເທດນີ້ປະຈຳ ວໍຊີງຕັນ ພ້ອມກັບທ່ານ Thomas Shannon, ຮອງລັດຖະມົນຕີການຕ່າງປະເທດ ອາເມລິກາ ໄດ້ປຶກສາຫາລືກ່ຽວກັບຂັ້ນຕອນກະກຽມໃຫ້ແກ່ການພົບປະຈະມາເຖິງລະຫວ່າງທ່ານປະທານາທິບໍດີ 2 ປະເທດຢູ່ນອກກອງປະຊຸມສຸດຍອດກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າຂອງໂລກ (G20) ທີ່ຈັດຂຶ້ນໃນທ້າຍອາທິດນີ້. ໃນຂະນະນັ້ນ, ກະຊວງການຕ່າງປະເທດ ອາເມລິກາ ໄດ້ປະກາດແຈ້ງຂ່າວໃຫ້ຮູ້ວ່າ: ການພົບປະລະຫວ່າງທ່ານ Kislyak ແລະ Shannon ແມ່ນເພື່ອສືບຕໍ່ປຶກສາຫາລືບັນດາບັນຫາທີ່ລັດຖະມົນຕີການຕ່າງປະເທດ 2 ປະເທດໄດ້ເຕື້ອງເຖິງໃນການເຈລະຈາຫວ່າງມໍ່ໆມານີ້. ນອກຈາກຫົວຂໍ້ກ່ຽວກັບການພົບປະຂັ້ນສຸດຍອດຢູ່ ເຢຍລະມັນ, 2 ຝ່າຍຍັງໄດ້ປຶກສາຫາລືກ່ຽວກັບຄວາມມານະພະຍາຍາມແກ້ໄຂບັນດາບັນຫາໃນການພົວພັນສອງຝ່າຍ, ໃນນັ້ນມີວັນເວລາຈັດຕັ້ງການໂອ້ລົມສົນທະນາຂັ້ນຮອງລັດຖະມົນຕີການຕ່າງປະເທດອີກດ້ວຍ.